Նոր «չիստկա» պետական ապարատում, աշխատանքից կազատվի մոտ 2000 մարդ. ԶԼՄ

ԵՐԵՎԱՆ, 26 հունիսի./Նովոստի–Արմենիա/. «Փաստ» թերթի տեղեկություններով, իրավապահ համակարգին հատուկ հանձնարարություն է իջեցվել՝ խոշորացույցի տակ վերցնել ոչ միայն ընդդիմադիր ուժերի ներկայացուցիչներին, այլև նրանց հետ ինչ-որ կերպ ասոցացվող անձանց՝ նրանց «դոսյեները» «թարմացնելու» նպատակով, որպեսզի անհրաժեշտության դեպքում հնարավոր լինի խանգարել ակտիվ գործունեության հնարավորությունը և լռեցնել։

«Այս ասպեկտով առանձնահատուկ ուշադրության կենտրոնում են լինելու նաև պետական կառույցներում աշխատողները: Բանն այն է, որ իշխանությունները ցանկանում են այս խառը շրջափուլում նոր «չիստկա» իրականացնել։ Ընդդիմադիր հատվածի նկատմամբ տոտալ հարձակումների շրջանակում նոր գրոհ է սպասվում պետական ապարատի վրա, և այդ քողի տակ առանձնապես մեծ թվով ազատումներ են սպասվում», – գրում են հոդվածի հեղինակները։

Թերթի տեղեկության համաձայն, աշխատանքից ազատվելու է մոտ 2000 մարդ, բնականաբար, բոլորն էլ ինչ-որ կերպ «նախկինների» հետ ասոցացվող կամ «նախկինից» մնացած։ Սակայն դեռևս հայտնի չէ՝ այդ հաստիքներն ամբողջովին կրճատվելո՞ւ են, թե՞ դրա անվան տակ ազատվելու են անցանկալիներից՝ տեղ բացելով «քայլող» նոր էշելոնի համար:–0–