Խորասուզվելով գինու արբեցնող ալիքների մեջ. Երևանում մեկնարկել են «Գինու օրերը» (ՖՈՏՈ, ՎԻԴԵՈ)
03.06.2023,
19:50
«Ճշմարտությունը գինու մեջ է»․ այսպես էին ասում մոտ 2 հազարամյակ առաջ, և այն դեռ չի կորցրել իր հետաքրքրությունը: «Երևանի գինու օրեր» 7- րդ փառատոնի մեկնարկը տրված է. ՖՈՏՈ, ՎԻԴԵՈ
ԵՐԵՎԱՆ, 3 հունիսի./Նովոստի-Արմենիա/. «Ճշմարտությունը գինու մեջ է»․ այսպես էին ասում մոտ 2 հազարամյակ առաջ, և այն դեռ չի կորցրել իր հետաքրքրությունը:
«Երևանի գինու օրեր» 7- րդ փառատոնի մեկնարկը տրված է:
Հունիսի 2-ին, 3-ին և 4-ին «Երևանի գինու օրեր» փառատոնը բացառիկ հնարավորություն է ընձեռում համատեղել հաճելին և օգտակարը մեկ վայրում:
Ավանդական դարձած Թումանյան, Սարյան և Մոսկովյան փողոցները ողողված են լույսերով, փոքր-ինչ գինովցած մարդկանց խինդով՝ գինեսերների ու գինեգործների, շեֆ խոհարարների, հրուշակագործների հետ կենդանի շփման ոգևորիչ ջերմությամբ:
Ինչպես նշում է փառատոնի կազմակերպիչ «ԷվենտՏուրա» ընկերության համահիմնադիր և գործադիր տնօրեն Մերի Բադալյանը, «Երևանի գինու օրերը» իր կազմակերպման առաջին իսկ տարուց նպատակ է ունեցել հանրահռչակել հայկական գինին:
«Այժմ փառատոնը դարձել է մի հարթակ, որտեղ հնարավոր է իրագործել տարբեր արշավներ, որոնք ուղղված են հիմնական նպատակին՝ հայկական գինու հանրահռչակմանը, - նշում է Բադալյանն՝ ավելացնելով, որ փառատոնին մասնակցում են տարբեր երկրներից ժամանած հյուրեր, խոսնակներ, որոնք ելույթ են ունենալու փառատոնի 3 օրերի ընթացքում:
Այս տարի անցկացվող 7-րդ փառատոնին ներկայացված են Հայաստանի շուրջ 70 գինեգործական ընկերություններ և 25 սննդի տաղավարներ, որոնք, հաջորդելով մեկը մյուսին, ապահովում են փառատոնային տրամադրությունն ու ուրախ ժամանցը։
Բադալյանի խոսքով, եթե փառատոնի առաջին տարում միջոցառմանը մասնակցում էր ընդամենը 25 գինեգործ, ապա այսօր արդեն փառատոնին մասնակցում են 100-ից ավելի հայ գինեգործներ:
Փառատոն՝ լի հաճելի անակնկալներով
Բադալյանը ներկայացրեց փառատոնի շրջանակում պատրաստված ամենամեծ անակնկալը:
«Ամբողջական պրոֆեսիոնալ խոհանոց է հավաքված, խոհանոց է գործում նաև բեմի հետնամում, որտեղ հյուրերի համար սնունդ է պատրաստվելու: Եթե հյուրը գալիս է գաստրոշոուի, նա անպայման համտեսում է անվճար սնունդ և իր հետ համադրվող գինին», - նշեց Բադալյանը:
Նա խոսեց նաև մեկ այլ անակնկալի մասին. փառատոնն այս տարի համագործակցում է ՀՀ-ում ԱՄՆ դեսպանատան հետ:
«Գինու գաստրոշուի համար Երևան է այցելել Նյու Յորքում բնակվող շեֆ խոհարար Ամանդա Ֆրեյթագը, որն իր վարպետությունը կներկայացնի փառատոնի շրջանակում», - ընդգծեց Բադալյանն՝ հավելելվ, որ այս տարի փառատոնը լի է անակնկալներով:
Նա տեղեկացրեց, որ հիմնական բեմից ամեն օր ժամը 10-10:30 խաղարկվելու են հետաքրքիր նվերներ՝ գլխավոր հովանավորների կողմից՝ ճանապարհորդություն դեպի Եվրոպա, գինետուր:
Գաստրոշոու՝ համեմված հայկական բաղադրիչներով
«Երևանի գինու օրեր» փառատոնի կարևոր առաքելություններից է հանրությանը գինու և գաստրո մշակույթի մասին կրթելը:
Հատուկ կահավորված բեմի վրա հայ և միջազգային գինեգետները, շեֆ խոհարարները, արվեստաբաններն անցկացնում են վարպետաց դասեր և գաստրոշոուներ։
Վարպետաց դասերն ուղեկցվում են յուրաքանչյուրն իր պատմությունը կրող մեկ բաժակ գինու, իսկ գաստրոշոուների ժամանակ նաև սննդի համտեսով:
Հայաստանի խոհարարների ասոցիացիայի հիմնադիր նախագահ Արբի Ղարախանիի խոսքով, գաստրոշոուն այնպես է կազմակերպվել, որ օգտագործվեն բոլոր
հայկական բաղադրիչները:
«Պատրաստելու ենք, ցույց ենք տալու, թե ինչ ենք պատրաստել և անցկացնելու ենք համտեսում: Մենք ունենք երկրորդ խոհանոց, որը մեր պատրաստած ուտեստից կպատրաստի 80 փոքր բաժիններ, որոնք կարող են բոլորը վայելել ու համտեսել», - նշեց Ղարախանին:
Խորասուզվելով գինու ալիքների մեջ
Ի դեպ, «Երևանի գինու օրեր» փառատոնին արվեստի և գինու համադրությունների մասին բացառիկ ելույթով հանդես եկավ հայտնի լատվիացի արվեստագետ Արթուր Չեխը:
Նրա խոսքով, նա շոկի մեջ է, քանի որ չէր պատկերացնում, որ ամեն ինչ այսքան մասշտաբային է կազմակերպված:
«Պարզապես կախարդական մթնոլորտ է, երբ մարդիկ զբոսնում են շշերով և ապակե գավաթներով: Ես մտածում էի, որ մեկանգամյա օգտագործման բաժակներ կլիներ, բայց այս ամենը պարզապես ցնցում է: Իսկապես սկսում եմ խորասուզվել գինու ալիքների մեջ, և դա ոգեշնչում է», - հիացմունքով նշում է Չեխը:
Բացառիկ աուդիո-թատրոն
Առանձնակի ուշադրության է արժանի, իր տեսակի մեջ եզակի ինտերակտիվ աուդիո-թատրոնը, որն առաջին անգամ ներկայացնում է գինու մշակույթի յուրահատուկ գեղարվեստական պատմություն՝ աղջիկ-սոմելյեի և գինուց ոչինչ չհասկացող երիտասարդ գործարարի մասին։
Հատուկ ականջակալների միջոցով ունկնդիրները ծանոթանում են ռոմանտիկ պատմության հերոսների՝ Դանիելի ու Մարիամի հետ, ովքեր հանդիպում են առաջին անգամ «Երևանի գինու օրերի» ընթացքում և մասնակից-հանդիսատեսի հետ փորձում հայկական գինիներ, ծանոթանում գինի ըմպելու առանձնահատկություններին՝ բացահայտելով գինու կախարդական աշխարհը։
Եվ այսպես, «Երևանի գինու օրեր» փառատոնի մեկնարկը տրված է, մուտքն ազատ է։ Հանդիպման վայրը՝ ավանդական դարձած Սարյան, Թումանյան, Մոսկովյան փողոցներ հունիսի 2-ին, 3-ին և 4-ին:-0-
«Երևանի գինու օրեր» 7- րդ փառատոնի մեկնարկը տրված է:
Հունիսի 2-ին, 3-ին և 4-ին «Երևանի գինու օրեր» փառատոնը բացառիկ հնարավորություն է ընձեռում համատեղել հաճելին և օգտակարը մեկ վայրում:
Ավանդական դարձած Թումանյան, Սարյան և Մոսկովյան փողոցները ողողված են լույսերով, փոքր-ինչ գինովցած մարդկանց խինդով՝ գինեսերների ու գինեգործների, շեֆ խոհարարների, հրուշակագործների հետ կենդանի շփման ոգևորիչ ջերմությամբ:
Ինչպես նշում է փառատոնի կազմակերպիչ «ԷվենտՏուրա» ընկերության համահիմնադիր և գործադիր տնօրեն Մերի Բադալյանը, «Երևանի գինու օրերը» իր կազմակերպման առաջին իսկ տարուց նպատակ է ունեցել հանրահռչակել հայկական գինին:
«Այժմ փառատոնը դարձել է մի հարթակ, որտեղ հնարավոր է իրագործել տարբեր արշավներ, որոնք ուղղված են հիմնական նպատակին՝ հայկական գինու հանրահռչակմանը, - նշում է Բադալյանն՝ ավելացնելով, որ փառատոնին մասնակցում են տարբեր երկրներից ժամանած հյուրեր, խոսնակներ, որոնք ելույթ են ունենալու փառատոնի 3 օրերի ընթացքում:
Այս տարի անցկացվող 7-րդ փառատոնին ներկայացված են Հայաստանի շուրջ 70 գինեգործական ընկերություններ և 25 սննդի տաղավարներ, որոնք, հաջորդելով մեկը մյուսին, ապահովում են փառատոնային տրամադրությունն ու ուրախ ժամանցը։
Բադալյանի խոսքով, եթե փառատոնի առաջին տարում միջոցառմանը մասնակցում էր ընդամենը 25 գինեգործ, ապա այսօր արդեն փառատոնին մասնակցում են 100-ից ավելի հայ գինեգործներ:
Փառատոն՝ լի հաճելի անակնկալներով
Բադալյանը ներկայացրեց փառատոնի շրջանակում պատրաստված ամենամեծ անակնկալը:
«Ամբողջական պրոֆեսիոնալ խոհանոց է հավաքված, խոհանոց է գործում նաև բեմի հետնամում, որտեղ հյուրերի համար սնունդ է պատրաստվելու: Եթե հյուրը գալիս է գաստրոշոուի, նա անպայման համտեսում է անվճար սնունդ և իր հետ համադրվող գինին», - նշեց Բադալյանը:
Նա խոսեց նաև մեկ այլ անակնկալի մասին. փառատոնն այս տարի համագործակցում է ՀՀ-ում ԱՄՆ դեսպանատան հետ:
«Գինու գաստրոշուի համար Երևան է այցելել Նյու Յորքում բնակվող շեֆ խոհարար Ամանդա Ֆրեյթագը, որն իր վարպետությունը կներկայացնի փառատոնի շրջանակում», - ընդգծեց Բադալյանն՝ հավելելվ, որ այս տարի փառատոնը լի է անակնկալներով:
Նա տեղեկացրեց, որ հիմնական բեմից ամեն օր ժամը 10-10:30 խաղարկվելու են հետաքրքիր նվերներ՝ գլխավոր հովանավորների կողմից՝ ճանապարհորդություն դեպի Եվրոպա, գինետուր:
Գաստրոշոու՝ համեմված հայկական բաղադրիչներով
«Երևանի գինու օրեր» փառատոնի կարևոր առաքելություններից է հանրությանը գինու և գաստրո մշակույթի մասին կրթելը:
Հատուկ կահավորված բեմի վրա հայ և միջազգային գինեգետները, շեֆ խոհարարները, արվեստաբաններն անցկացնում են վարպետաց դասեր և գաստրոշոուներ։
Վարպետաց դասերն ուղեկցվում են յուրաքանչյուրն իր պատմությունը կրող մեկ բաժակ գինու, իսկ գաստրոշոուների ժամանակ նաև սննդի համտեսով:
Հայաստանի խոհարարների ասոցիացիայի հիմնադիր նախագահ Արբի Ղարախանիի խոսքով, գաստրոշոուն այնպես է կազմակերպվել, որ օգտագործվեն բոլոր
հայկական բաղադրիչները:
«Պատրաստելու ենք, ցույց ենք տալու, թե ինչ ենք պատրաստել և անցկացնելու ենք համտեսում: Մենք ունենք երկրորդ խոհանոց, որը մեր պատրաստած ուտեստից կպատրաստի 80 փոքր բաժիններ, որոնք կարող են բոլորը վայելել ու համտեսել», - նշեց Ղարախանին:
Խորասուզվելով գինու ալիքների մեջ
Ի դեպ, «Երևանի գինու օրեր» փառատոնին արվեստի և գինու համադրությունների մասին բացառիկ ելույթով հանդես եկավ հայտնի լատվիացի արվեստագետ Արթուր Չեխը:
Նրա խոսքով, նա շոկի մեջ է, քանի որ չէր պատկերացնում, որ ամեն ինչ այսքան մասշտաբային է կազմակերպված:
«Պարզապես կախարդական մթնոլորտ է, երբ մարդիկ զբոսնում են շշերով և ապակե գավաթներով: Ես մտածում էի, որ մեկանգամյա օգտագործման բաժակներ կլիներ, բայց այս ամենը պարզապես ցնցում է: Իսկապես սկսում եմ խորասուզվել գինու ալիքների մեջ, և դա ոգեշնչում է», - հիացմունքով նշում է Չեխը:
Բացառիկ աուդիո-թատրոն
Առանձնակի ուշադրության է արժանի, իր տեսակի մեջ եզակի ինտերակտիվ աուդիո-թատրոնը, որն առաջին անգամ ներկայացնում է գինու մշակույթի յուրահատուկ գեղարվեստական պատմություն՝ աղջիկ-սոմելյեի և գինուց ոչինչ չհասկացող երիտասարդ գործարարի մասին։
Հատուկ ականջակալների միջոցով ունկնդիրները ծանոթանում են ռոմանտիկ պատմության հերոսների՝ Դանիելի ու Մարիամի հետ, ովքեր հանդիպում են առաջին անգամ «Երևանի գինու օրերի» ընթացքում և մասնակից-հանդիսատեսի հետ փորձում հայկական գինիներ, ծանոթանում գինի ըմպելու առանձնահատկություններին՝ բացահայտելով գինու կախարդական աշխարհը։
Եվ այսպես, «Երևանի գինու օրեր» փառատոնի մեկնարկը տրված է, մուտքն ազատ է։ Հանդիպման վայրը՝ ավանդական դարձած Սարյան, Թումանյան, Մոսկովյան փողոցներ հունիսի 2-ին, 3-ին և 4-ին:-0-
Պատճենել հղումը
