ԵՐԵՎԱՆ, 20 մայիսի./Նովոստի–Արմենիա/. ՀՀ տարածքային կառավարման և ենթակառուցվածքների նախարարության Ավտոմոբոլային տրանսպորտի քաղաքականության, լիցենզավորման և թույլտվությունների վարչության պետ Խաչիկ Սողոմոնյանը պարզաբանեց Երևան–Չարենցավան և Ալափարս–Չարենցավան երթուղու ուղեվարձի բարձրացման պատճառը։
Ընդ որում նա չնշեց, թե կոնկրետ որքանով է թանկացել ուղեվարձը։
«Տենդերային գործընթացը կարգավորվում է իրավական ակտերով, «Ավտոմոբիլային տրանսպորտի մասին» օրենքով և կառավարության որոշմամբ։ Այնտեղ սահմանված են կոնկրետ մեխանիզմներ, որոնցով առաջնորդվում են հանձնաժողովն ու ընկերությունները։ Ելնելով դրանից` տենդերին մասնակցող ընկերություններն ինքնուրույն են առաջարկում ուղեվարձի արժեքը։ Դա ընկերությունների իրավունքն է», – ասաց նա ուրբաթ ասուլիսի ժամանակ։
Անդրադառնալով այն հարցին, թե կարելի է, արդյոք, ներդնել ճկուն մոտեցում բնակչության որոշակի կատեգորիաներին (ուսանողներ, թոշակառուներ) ուղերձի արտոնություններ տրամադրելու հարցում` նա նշեց, որ օրենքով ուղեվարձի սակագինը հաստատելուց և տենդերի ավարտից հետո հաղթող ընկերությունն իրավունք չունի բարձրացնել գինը։
«Այս դեպքում նա կզրկվի երթուղին սպասարկելու իրավունքից։ Զեղչերի համակարգի ներդրման հնարավորւթյունն ընկերության իրավունքն է, որը կարող է վարել ճկուն քաղաքականություն։ Բայց նա այլևս չի կարող բարձրացնել ուղեվարձի արժեքը», – ասաց նա։
Սողոմոնյանը նշեց, որ վերջին տարիների ընթացքում հասարակական տրանսպորտի ուղեվարձի արժեքը չի փոխվել, բայց հիմա փոխադրողները բախվել են տրանսպորտի աշխատանքի համար անհրաժեշտ կոմպոնենտների թանկացման խնդրի հետ։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
