ԵՐԵՎԱՆ, 1 մարտի./Նովոստի–Արմենիա/. Ճանապարհային անվտանգության ազգային խորհրդի ղեկավար Պողոս Շահինյանը այսօր կայացած ասուլիսի ժամանակ ասաց, որ «Արևելյան գործընկերության» և ԵՄ 27 երկրների տարածաշրջանում Հայաստանը ճանապարհատրանսպորտային պատահարների մահացությամբ երկրորդն է, իսկ առաջին տեղում մեր հարևան երկիր Վրաստանն է:
ՀՀ քնչական կոմիտեի նախագահի մամուլի քարտուղար Վարդան Թադևոսյանի խոսքով, ճանապարատանսպորտային պատահարների համար մեղավոր են և´ վարորդները, և´ հետիոտները:
«Մայրաքաղաքում տեղի ունեցած ճանապարհատրանսպորտային պատահարների անզգուշության մեծ մասը ես հետիոտներին եմ վերագրում: Մեր քաղաքացիների գիտակցության մեջ դեռ չի մտել այն սկզբունքը, որ փողոցը պետք է թույլատրելի հատվածից անցնել: Մարդիկ չեն ուզում մի քանի քայլ ավել անել ու թույլատրելի հատվածով անվտանգ ու ապահով անցնել»,-ասաց Թադևոսյանը:
Նրա խոսքով՝ ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում քննվել է ավելի քան 360 քրեական գործ:
«Թվերը բավականին մտահոգիչ են, քանի որ ճանապարատրասպորտային պատահարների աճը տարեցտարի գնալով ավելանում է»,-ասաց նա:
ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի պետ Էդուարդ Կարապետյանի խոսքով, հանցագործությունների բաժինը յուրաքանչյուր պատահարից հետո քննության առարկա է դարձնում նաև պատահարների պատճառները:
«2021 թ.-ին վթարների և վրաերթերի շուրջ 13% աճ ունենք (2020թ.–ի համեմատ, խմբգր.): Ցավոք, պետք է նշեմ, որ վրաերթերը վթարների համեմատ ավելի մեծ տեղ են զբաղեցնում: Հիմնական պատճառները երթևեկության կանոնների ապահովմանն ուղղված միջոցառումների խախտումն է»,-ասաց Կարապետյանը:
Չնայած այն հանգամանքին, որ հետիոտները շարունակում եմ փողոցն անթույլատրելի հատվածով անցնել, այնուամնենայնիվ միակ մեղավորները չեն: Ճանապարհատրանսպորտային հանցագործությունների քննության բաժնի պետի խոսքով, վարորդներն էլ իրենց հերթին երթևեկելիս պարբերաբար ուշադիր չեն լինում ու մի շարք խախտումներ են անում, մասնավորապես գերազանցում են արագությունը:
«Երևան քաղաքում մահվան ելքերով ճանապարհատրանսպորտային պատահարների հիմնական դեպքերը տեղի են ունենում Արշակունյաց ու Մյասնիկյան պողոտաներում: Իսկ մարզերի առումով Վաղարշապատ-Արմավիր մայրուղու, Երևան-Սևան, Սևան-Գեղարքունիք հատվածների վրա են գրեթե ամեն օր գրանցվում պատահարներ»,-ասաց Կարապետյանը:
ՀՀ քնչական
կոմիտեի նախագահի մամուլի քարտուղար Վարդան Թադևոսյանի խոսքով, պատճառներից մեկը վարորդների
արագությունը գերազանցելն ու մեքենաների անսարք վիճակում գտնվելն է:–0–
