Հանրային խորհրդի նախագահը Կուտոյանի մահը կապել է «սևերի» և Քոչարյանի հետ

ԵՐԵՎԱՆ, 17 հունվարի./Նովոստի–Արմենիա/. Հանրային խորհրդի նախագահ Ստյոպա Սաֆարյանը Facebook–յան իր էջում մեկնաբանել է ԱԱԾ նախկին տնօրեն Գեորգի Կուտոյանի մահը։

Նշենք, որ այսօր հայտնի է դարձել, որ Երևանի Պարույր Սևակի փողոցի բնակարաններից մեկում հայտնաբերվել է ԱԱԾ նախկին պետ Գեորգի Կուտոյանի դին՝ հրազենային վիրավորումով: 

«Օրեր առաջ վտանգներ մատնանշել էինք Վանեցյանի համար ու հուշել, որ կառավարությունը նրա անվտանգության մասին հոգ տանի, բայց սևերը, պարզվում է, "գիշերը" թիրախ են փոխել... Ցավակցում եմ Կուտոյանների ընտանիքին...», – գրել է Սաֆարյանը։

Մեկնաբանելով Կուտոյանի մահվան մասին ԶԼՄ–ների ներկայացրած վարկածները` Սաֆարյանը նշել է, որ «այսպիսի բարդ ինքնասպանություն մեկ էլ Քոչարյանի ժամանակներում են եղել, երբ զոհերն իրենց վրա մի քանի անգամ կրակել էին․․․․»։–0–