ԵՐԵՎԱՆ, 9 մայիսի./Նովոստի–Արմենիա/. Եռատոնի միջոցառումներին մասնակցելու նպատակով Արցախում գտնվող ՀՀ վարչապետ Նիկոլ Փաշինյանը շնորհավորել է հայ ժողովրդին Եռատոնի կապակցությամբ։
«Շնորհավորում ենք հայ ժողովրդին և առանձնահատուկ՝ Արցախի հերոսական ժողովրդին Եռատոնի փառապանծ առիթով:Սիրլի՚ արցախցիներ, սիրում ենք ձեզ, հպարտանում ենք ձեզնով, ու խոնարհվում ենք ձեր առաջ: Խոնարհվում ենք մեր սուրբ Նահատակների առաջ», – գրել է ՀՀ վարչապետը Facebook–յան իր էջում:
Այսօր Հայաստանում և Արցախում
նշվում է Եռատոն` Հայրենական պատերազմի հաղթանակի, Շուշիի ազատագրման և Արցախի ՊԲ–ի կազմավորման օրը։
Այդ օրը Հայաստանի և Արցախի քաղաքական և ռազմական ղեկավարությունը ծաղկեպսակներ է դնում Հայրենական պատերազմի և արցախյան ազատամարտի հերոսների հուշարձանների մոտ։ Տոնական միջոցառումներ են կազմակերպվում երկրի ողջ տարածքում։–0–