«Դուք հոգեբանորեն առո՞ղջ եք». Էլիբեգովան ԱԺ ամբիոնից քննադատել է Փաշինյանի հայտարարությունը (ՎԻԴԵՈ)

ԵՐԵՎԱՆ, 25 նոյեմբերի./Նովոստի–Արմենիա/. Հայտնի ադրբեջանագետ, Հարավային Կովկասում աշխարհաքաղաքականության փորձագետ Անժելա Էլիբեգովան «Հայաստան» ընդդիմադիր խմբակցության նախաձեռնած լսումների ժամանակ ԱԺ–ում քննադատել է ՀՀ վարչապետ Նիկոլ Փաշինյանին։

Ավելի վաղ Փաշինյանը հայտարարել է, որ երկիրն ուզում է կարգավորել հարաբերությունները Թուրքիայի հետ, բայց միաժամանակ սպասում է, որպեսզի Անկարան և Բաքուն պատասխանեն այն հարցին, թե ուզու՞մ են ոչնչացնել Հայաստանը, շարունակել և ավարտին հասցնել Հայոց ցեղասպանությունը։

«Դուք հոգեբանորեն առո՞ղջ եք առհասարակ։ Որովհետև, երբ դուք ասում եք` պետք է գնալ և Ադրբեջանին և Թուրքիային հարցնել` արդյոք նրանք ուզու՞մ են մեզ ցեղասպանել և արդյոք ուզու՞մ են, որ մենք գոյություն չունենանք, ես ուզում եմ հասկանալ` ձեզ մի տարի առաջ ո՞ր պահը պարզ չէր, այսինքն ի՞նչը մութ մնաց։ Երբ Թուրքիան ադրբեջանական բանակին էր աջակցում, երբ վարձկաններ էին բերում լցնում առաջնագիծ, երբ «Բայրաքթարներով» մեր տղաներին էին սպանում, այդ տեղ ո՞ր պահը մութ մնաց, որ դուք չհասկացաք, որ նրանք, այո, ուզում են, որ մենք վերանանք էս տարածաշրջանից, և նրանք դա չեն էլ թաքցնում», – դիմել է իշխանություններին Էլիբեգովան։–0–