«Դավաճան». կառավարության շենքի մոտ բողոքի ակցիա է գործող իշխանությունների դեմ

ԵՐԵՎԱՆ, 26 ապրիլի./Նովոստի–Արմենիա/. Կառավարության շենքի առաջ կազմակերպվել է բողոքի ակցիա գործող իշխանությունների դեմ։

«Պայքար, դավաճան», – վանկարկում են ակցիայի մասնակիցները։

Հիշեցնենք, որ ապրիլի 17–ից ընդդիմությունը բողոքի ակցիաներ է կազմակերպել գործող իշխանությունների վարած քաղաքականության դեմ` հայտարարելով, որ այն սպառնում է Հայաստանի և Արցախի պետականությանն ու անվտանգությանը։ Ապրիլի 25–ից ընդդիմությունը սկսել է ապակենտրոնացված փողոցային պայքար։ Տարբեր մարզերից մեկնարկել են երթեր դեպի Երևան, որտեղ մայիսի 1–ին ընդդիմությունը նախատեսում է կազմակերպել մեծ հանրահավաք։–0–