Այսօր մինչև երեկոյան ժամը 6–ը ջուր չի լինի Երևանի վարչական շրջաններից մեկում

ԵՐԵՎԱՆ, 30 հունվարի./Նովոստի–Արմենիա/. Այսօր մինչև երեկոյան ժամը 6–ը ջրանջատում է նախատեսված Արաբկիր վարչական շրջանում։

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված ս.թ. հունվարի 30-ին ժամը 14:30-18:00-ն կդադարեցվի Մարշալ Բաղրամյան 2 փակ. 10 շենքի, Մարշալ Բաղրամյանի 60, 62 շենքերի, Գուլակյանի 14/1-16Բ զույգ համարի շենքերի , 4/1-109 տների, Գյուլբենկյանի 19/1 շենքի ջրամատակարարումը:

«Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար», – նշվում է ընկերության հայտարարության մեջ։–0–