Աշտարակում գլխի ծանր վնասվածք ստացած 12–ամյա երեխայի վիրահատությունը բարեհաջող է ավարտվել
ԵՐԵՎԱՆ, 7 մայիսի./Նովոստի–Արմենիա/. Նախօրեին Աշտարակում գլխի ծանր վնասվածք ստացած 12–ամյա երեխայի վիրահատությունը բարեհաջող է ավարտվել։ Այս մասին Facebook–յան իր էջում հայտնել է Արագածոտնի մարզպետ Դավիթ Գևորգյանը։
Ինչպես նախօրեին հայտնել էր Առողջապահության նախարար Արսեն Թորոսյանը, ֆուտբոլային խաղի ժամանակ 12-ամյա տղան դուրս է եկել դաշտից գնդակը հետ բերելու համար մոտակա տարածքից։ Այդ պահին տղան ընկել է երկաթբետոնե կոնստրուկցիայի վրա և ստացել ծանր թափանցող գանգուղեղային տրավմա։ Երեխան գտնվում է «Սուրբ Աստվածամայր» ԲԿ-ում։
«Այսօր Աշտարակ քաղաքում դժբախտ պատահարի հետևանքով գլխի շրջանում ծանր վնասվածք ստացած երեխայի բարդ վիրահատությունը բարեհաջող ավարտվեց: Մնում է լավագույնը հուսալ ու սպասել ... Աստված օգնական ...» , – գրել է Դավիթ Գևորգյանը։–0–
