Արդեն գարուն է. Հայաստանում մարտին ջերմաստիճանը կանխատեսվում է 4–5 աստիճան նորմայից բարձր

ԵՐԵՎԱՆ, 1 մարտի./Նովոստի–Արմենիա/. Օդի ամսական միջին ջերմաստիճանը հանրապետության ամբողջ տարածքում կանխատեսվում է նորմայից բարձր 4-5 աստիճանով, տեղումների քանակը՝ նորմային մոտ, հաղորում է ՀՀ ՇՄՆ Հիդրոօդերևութաբանության և մոնիթորինգի կենտրոնը։

Տեղումների քանակը կանխատեսվում է նորմային մոտ։

Նշվում է, որ Երևանում մարտին օդի միջին ջերմաստիճանը կանխատեսվում է 8–10 աստիճանով, նորմայում պետք է կազմի 6–7 աստիճան։

Կենտրոնից հայտնում են, մարտի երրորդ տասնօրյակում Արարատյան դաշտում ծաղկում է ծիրանենին:–0–