ԵՐԵՎԱՆ, 30 նոյեմբերի./Նովոստի–Արմենիա/. Արցախի դիրքերը պաշտպանող ժամկետային զինծառայողների ծնողները հերթական ակցիա են կազմակերպել կառավարության շենքի մոտ։
Նրանք հայտարարել են, որ չեն ուզում հանդիպել ՀՀ վարչապետ Նիկոլ Փաշինյանի հետ։
«Մենք ամեն օր ժամը 12։00–ին հավաքվում ենք այստեղ, քանի որ գրասենյակ չունենք պետք է ինչ–որ տեղ հավաքվենք` մեր գործողությունները համակարգելու համար», – ասել է ակցիայի մասնակիցներից մեկը։
Загружается новость ... "Лево"
Նա նշել է, որ այսօր նրանք չեն ուզում հանդիպել Փաշինյանի հետ, քանի որ ավելի վաղ հանդիպել են պաշտպանության նախարար Վաղարշակ Հարությունյանի հետ։
Կինն ընդգծել է, որ ծնողներին հուզող բոլոր հարցերին լիազորված է պատասխանել միայն պաշտպանական գերատեսչությունը, այդ պատճառով հետագա պահանջների դեպքում դրանք կուղարկվեն ՊՆ, այլ ոչ թե կառավարություն։
«Այսօր մեր գործողություններն են կրկին իրազեկել ծնողներին արդյունքների մասին, հասկանալ, թե մեր երեխաների մասին ինչ տեղեկություններ կան, խախտվում են ձեռք բերված պայմանավորվածությունները, թե ոչ։ Պաշտպանության նախարարը մեզ ասել է, որ կարող ենք համագործակցել նրանց հետ, և հանդիպումները կլինեն շարունակական», – ասել է նա։
Ակցիայի մեկ այլ մասնակից նշել է, որ նրանք կոչ են անում, որ պատերազմին մասնակցած զինծառայողները, ովքեր պետք է զորացրվեին հունվարին, վերադառնան տուն մեկ ամիս շուտ։
Նշենք, որ Արցախի դիրքերը պաշտպանող ժամկետային զինծառայողների ծնողները վերջին շրջանում բողոքի ակցիաներ են կազմակերպում կառավարության շենքի մոտ` պահանջելով, որպեսզի նրանց երեխաները վերադառնան Հայաստան։
Ծնողները նշում են, որ իրենց երեխաները մինչ օրս գտնվում են Արցախում և հակառակորդի կողմից հարձակման դեպքում ոչ ոք չի երաշխավորի նրանց անվտանգությունն ու վերադարձը։
Նոյեմբերի 28–ին ծնողների հետ է հանդիպել պաշտպանության նախարար Վաղարշակ Հարությունյանը։ ՊՆ–ում խոստացել են 10–օրյա արձակուրդ զինծառայողների համար և զորակազմի աստիճանական փոփոխություն։–0–