ԵՐԵՎԱՆ, 15 ապրիլի․/Նովոստի–Արմենիա/․ Անհրաժեշտ է ճշտել և արձանագրել Օսմանյան կայսրությունում Հայոց ցեղասպանության բոլոր զոհերի անունները։
Այս մասին այսօր ԱԺ–ում ասաց Պաշտպանության և անվտանգության հարցերի մշտական խորհրդարանական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Անդրանիկ Քոչարյանը։
Ըստ պատգամավորի, իր նախնիները՝ ինչպես հայրական, այնպես էլ մայրական կողմից, նույնպես Եղեռնի զոհ են դարձել։
«Ի վերջո, պետք է ունենալ բոլոր զոհերի ցուցակը: Կարող է 1,5–ից ավելի շատ է կամ քիչ է»,- ասաց Քոչարյանը։
Նա նշեց, որ դա հաջողվել է հրեաներին, և որ նույնը պետք է անի Հայաստանը։
«Մինչև մեր անկախանալը դա պետք է աներ եկեղեցին, քաղաքական կուսակցությունները, ինչպես նաև սփյուռքի կառույցները, պետական բոլոր ինստիտուտները։ Բոլոր զոհերի անուն-ազգանունները պետք է լինեին Երևանի ցեղասպանության թանգարան-ինստիտուտի տրամադրության տակ»,- ընդգծեց պատգամավորը։
Նրա կարծիքով, եթե դա մինչև այժմ չի արվել, ապա բացը պետք է լրացնել։
«Հակառակ դեպքում, հակառակ կողմը, այսինքն՝ Թուրքիան կշարունակի պնդել, որ այդպիսի բան չի եղել։ Եվ այդպես էլ անում է», – ասաց Քոչարյանը։
Ծանոթացեք լուրերին առաջինն ու քննարկեք դրանք մեր Telegram-յան ալիքում