12 ժամ ջուր չի լինի Երևանի Կենտրոն վարչական շրջանի մի շարք հասցեներում

ԵՐԵՎԱՆ, 31 մայիսի./Նովոստի-Արմենիա/. 12-ժամյա ջրանջատում է նախատեսված Երևանի Կենտրոն վարչական շրջանի մի շարք հասցեներում:

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. հունիսի 1-ին ժամը 10.00-22.00 կդադարեցվի Երևանի Կենտրոն վարչական շրջանի` Իսահակյան, Կորյունի, Աղայան, Թամանյան, Բայրոնի, Մոսկովյան, Ա.Պետրոսյան, Գ. Քոչարի փողոցների, Սայաթ-Նովայի 1-40, Խանջյան 37, 39, 43, 47/1, Թումանյան 10, 12, 13, 28/20, 34-41, Հանրապետության 82, Սարյան 1, Տերյան 42-91, Աբովյան 11-62, Նալբանդյան 23-59, 102-110, Մ. Մաշտոցի 37-60, Սարմենի 1-10, Տերյան 105/1, Բաղրամյան 1-3 համարների, Մոսկովյան փողոցի անցուղու, Սպենդիարյանի անվան օպերայի և բալետի ազգային ակադեմիական թատրոնի ջրամատակարարումը: 

«Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար», - նշվում է ընկերության հայտարարության մեջ:

Նշենք, որ այսօր «Վեոլիա Ջուր» ընկերությունից հայտնել էին, որ հունիսի 1-ին 24 ժամով կդադարեցվի Երևանի վարչական շրջաններից ևս մեկի ջրամատակարարումը:-0-