Սուրենյան. այս տարի բացառիկ բարենպաստ տարի է (ՖՈՏՈ)

ԵՐԵՎԱՆ, 14 մայիսի. /Նովոստի-Արմենիա/. ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը լավ լուր է հայտնել:

«Այս տարի բացառիկ բարենպաստ տարի է, ցրտահարություն չեղավ, ջրային ռեսուրսներով ապահոված ենք, ու չնայած մայիսը համարվում է ամենակարկտավտանգ ամիսը, բայց դեռևս ոչ մի կարկտաբեր ամպ Հայաստանի սահմաններին չի մոտեցել», - գրել է նա Facebook-ի իր էջում:

Ինչպես հայտնում է Հայհիդրոմետծառայությունը, մայիսի 14-ի ցերեկը, 15-19-ին սպասվում է առանց տեղումների եղանակ: Քամին՝ հարավային՝ 3-8 մ/վ:

Օդի ջերմաստիճանը մայիսի 14-17-ն աստիճանաբար կբարձրանա 5-6 աստիճանով։-0-