Պարզվել է այսօր Երևանում գողության փորձ կատարած և 12-րդ հարկից ընկած տղամարդու ինքնությունը

ԵՐԵՎԱՆ, 26 հունվարի. /Նովոստի–Արմենիա/. Հունվարի 26-ին, ժամը 9։30 սահմաններում ոստիկանության Երևան քաղաքի վարչության օպերատիվ կառավարման կենտրոնից Արաբկիրի բաժնում հաղորդում է ստացվել, որ Երևանի Երզնկյան փողոցի թիվ 1 շենքի բակում տղամարդու դիակ կա, հաղորդում է ՀՀ ոստիկանության մամուլի ծառայությունը։

Դեպքի վայր մեկնած Արաբկիրի բաժնի քրեական հետախույզները օպերատիվ-հետախուզական անհետաձգելի միջոցառումների արդյունքում պարզել են, որ տղամարդը ժամը 4-ի սահմաններում փորձել է շենքի դրսի պատի վրայով մտնել 12-րդ հարկում գտնվող բնակարաններից մեկը, սակայն այդ ընթացքում սայթաքել ու ընկել է:

«Ցանկացել է պատուհանից մտնել տուն, մալուխը պոկվել է ու ցած է ընկել». հարևանուհին մանրամասներ է պատմում>>
 
Ոստիկանները կարճ ժամանակում պարզեցին, որ մահացածը Երևանի բնակիչ, 40-ամյա Արկադի Մխիթարյանն է, որը նախկինում երկու անգամ դատապարտվել է գողության մեղադրանքով:

Դեպքի վայրի և դիակի զննությամբ հայտնաբերվել են լապտեր, պտուտակահան, ձեռնոցներ:

 Հաղորդարգության մեջ նշվում է, որ 12-րդ հարկում հայտնաբերվել է բնակարանի պատուհանից հանված ցանցը:

Ոստիկանության քրեագետները դեպքի վայրը ենթարկել են մանրակրկիտ մշակման:Նշանակվել են փորձաքննություններ, տանտիրոջից հաղորդում է ընդունվել: Կատարվածի մյուս հանգամանքները պարզելու ուղղությամբ միջոցառումները շարունակվում են:–0–