ԵՐԵՎԱՆ, 6 դեկտեմբերի. /Նովոստի–Արմենիա/. ՀՀ ԱԺ խոսնակ Գալուստ Սահակյանը քվեարկել է կիրակի կազմակերպված սահմանադրական բարեփոխումների հանրաքվեին։
«Քվեարկում եմ հանուն իմ երկրի և համոզմունքների։ Ես ռոմանտիկ չեմ։ Սահմանադրությունը միայն հնարավորություններ է տալիս, իսկ հետագայում հարկավոր է աշխատել ժողովրդի հետ համատեղ», – հայտարարեց Սահակյանը լրագրողներին։
«Իմ թոռն ապրելու է այն երկրում, որի մասին ես երազում եմ», – նշեց ԱԺ խոսնակը։
ԿԸՀ–ն հրապարակել է ժամը 11։00–ի դրությամբ հանրաքվեին մասնակցած ընտրողների թիվը>>
Ավելի վաղ սահմանադրական բարեփոխումների հանրաքվեին իրենց քաղաքացիական պարտքն են կատարել ՀՀ նախագահ Սերժ Սարգսյանն ու վարչապետ Հովիկ Աբրահամյանը, ինչպես նաև քաղաքական այլ գործիչներ։
Սահմանադրական բարեփոխումներով նախատեսվում է անցում կատարել խորհրդարանական իշխանավարման։–0–
