ԵՐԵՎԱՆ, 29 օգոստոսի. /Նովոստի–Արմենիա/. Համացանցում հրապարակվել է Էրեբունիում երիտասարդ աղջկա պատանդ վերցրած հանցագործի վնասազերծման տեսանյութը։
Տեսանյութում հստակ լսվում է երկու կրակոց։
Այսօր Երևանի Էրեբունի վարչական շրջանում գտնվող բիլիարդանոցներից մեկում մի տղամարդ աղջիկ էր պատանդ վերցրել ու սպառնում էր սպանել նրան։ Հանցագործը վիրավորվել էր դիպուկահարի կողմից, վնասազերծվել և տեղափոխվել հիվանդանոցում, որտեղ ավելի ուշ մահացել էր։ Պատանդ վերցված աղջիկն ազատ է արձակվել։
Ավելի վաղ shamshyan.com կայքը հրապարակել էր բիլիարդանոցների կոտրված ապակու մոտ կանգնած հանցագործի ու պատանդ վերցված աղջկա լուսանկարը, որտեղ երևում է, որ հանցագործը ինչ–որ առարկա է սեղմել աղջկա պարանոցին։
Ընթանում է քննություն պատճառների և հանգամանքների բացահայտման ուղղությամբ։–0–