Մամուլյան. հայերն այն քիչ ժողովուրդներից են, ովքեր պահպանել են իրենց ամանորյա խոհարարական ավանդույթները

ԵՐԵՎԱՆ, 23 դեկտեմբերկ. /Նովոստի–Արմենիա/. Հայերն այն քիչ ժողովուրդներից են, ովքեր պահպանել են իրենց ամանորյա խոհարարական ավանդույթները, չորեքշաբթի ասաց «Հայ խոհարարական ավանդույթների զարգացման և պահպանման» ՀԿ–ի ղեկավար Սեդրակ Մամուլյանը։

Նրա խոսքով` այդ ավանդույթների միջոցով հայերը հրաժեշտ են տալիս հին տարուն և ակնկալիքներով սպասում նոր տարուն։

«Ավանդական ճաշատեսակների միջոցով մեր նախնիները նոր տարում ակնկալում են խաղաղություն և հարուստ բերք։ Օրինակ «Քաշիկան», որը հարիսայի տարատեսակ է, ծիսական ճաշատեսակ է։ Չարժե մոռանալ նաև «Անուշապուրի», «Ականջապուրի» մասին։ Սրանք այն ճաշատեսակներն են, որոնք պետք է լինեն տոնական սեղանին»,  – ասաց նա։

Մամուլյանի խոսքով`հայկական տոնական սեղանի ևս մի կարևոր ճաշատեսակ է «Տարեհացը»։

Ազգագրագետ Սվետա Պողոսյանն իր հերթին, նշեց, որ առաջին հերթին հարկավոր է հասկանալ այս տոնի խորհուրդը։ 

«Սա այն տոնն է, որի ընթացքում կարելի է լիցքավորվել էներգիայով և միաժամանակ հաճույք ստանալ։ Չկա ոչ մի տոնը, որը չունենա համապատասխան ճաշատեսակներ, սակայն չի կարելի մոռանալ նաև հանգստի մասին։ Չարժե ենթարկվել ավելորդ «տանջանքների»», – ասաց նա։

Միաժամանակ ազգագրագետը կոչ արեց նշել Ամանորը ընտանիքի շրջանակում, չնայած, որ շատերը նախընտրում են նշել ռեստորաններում։

Սուրբ Սարգիս եկեղեցու Պետրոս քահանա Մայիլյանը նշեց, որ նախընտրելի է, որ քրիստոնյաները Սուրբ Ծննդից մեկ շաբաթ առաջ պահք պահեն։

Նրա խոսքով` Նոր տարին նշվում է ավելի մեծ շուքով, քան Սուրբ Ծնունդը։

«Դժվար է փոխել ավելի քան 70 տարի գոյություն ունեցող սովորությունները։ Իհարկե, կարևոր է նշել Նոր տարին, սակայն շեշտը պետք է դրվի Սուր Ծննդի վրա, որը նաև բարեգործական տոն է։ Հարկավոր է ազատվել եսասիրությունից և ուշադրություն դարձնել կարիքավորների վրա, օգնել մտերիմներին», – ասաց նա։ –0–