ԵՐԵՎԱՆ, 7 փետրվարի. /Նովոստի Արմենիա/. Հայաստանի ազգային ժողովը չորեքշաբթի նիստին երկրորդ և վերջնական ընթերցմամբ ընդունել է «Ոստիկանության» մասին օրենքում նախատեսված փոփոխություններն ու լրացումները:
Ինչպես նշել է ՀՀ փոխոստիկանապետ Վարդան Եղիազարյանը, փոփոխություններով նախատեսվում է տեխնիկական միջոցների կիրառման հնարավորություն ֆոտո և տեսանկարահանումների համար հանցագործությունների կանխարգելման, դեպքի վայրի զննության նպատակով, ինչպես նաև հասարակական կարգի պահպանության, այդ թվում` ճանապարհային երթևեկության անվտանգությունն ապահովելու նպատակով:
«Օրենքով նախատեսված է տեխնիկայի ու միջոցների կիրառման կարգը, ինչպես նաև դրանց օգտագործման մեթոդներն ու պայմանները, այդ թվում` ստացիոնար ու շարժական նկարահանող սարքերի կիրառումը նկարահանումների համար, որը պետք է իրականացվի բացառապես ծառայողական, այլ ոչ թե սեփական սարքավորումներով», - ասաց Եղիազարյանը:
Ընդ որում, նա նշեց, որ ֆոտո ու տեսանկարահանումների դեպքում խախտումների բացահայտման ժամանակ ոստիկանն իրավունք չի ունենա ընդհատել նկարահանումը:
Загружается новость ... "Лево"
Նա նշեց նաև, որ լրացումներով նախատեսված է պարտադիր նախազգուշացում նկարահանման վերաբերյալ, ընդ որում` ստացիոն տեսախցիկ օգտագորրծելու համար անհրաժեշտ է գրավոր ծանուցում, իսկ շարժական` բանավոր:
Ըստ փոխոստիկանպետի, նկարահանված կադրերը կպահպանվեն 7 օր, սակայն նախատեսված են դեպքեր, երբ այս ժամկետները կարող են երկարաձգվել: Սահմանափակված է նաև այն մարդկանց ցանկը, որոնք կունենան տվյալների բազայի մուտքի իրավունք, այդ թվում` այդ բազայի տվյալների ավելացման կամ ոչնչացման իրավունք։
Պատգամավորների կարծիքով, նման լրացումները մարդու իրավունքների անմիջական խախտում են ու անձնական կյանքի միջամտություն։ Մասնավորապես, «Ելք» խմբակցության պատգամավոր Արարատ Միրզոյանը նշեց, որ օրենքի ընդունումը կնշանակի համընդհանուր վերահսկողության կիրառում երկրի բոլոր բնակիչների նկատմամբ։
«Ելք» խմբակցության պատգամավոր Արտակ Զեյնալյանն իր հերթին նշեց, որ դա մարդու իավունքների կոպիտ խախտում է, ինչպես նաև անձնական կյանքի միջամտություն, ինչն անթույլատրելի է ժողովրդավարական երկրում։-0-
