Երկուշաբթի` սեպտեմբերի 30–ի առավել ուշագրավ նորությունները

Գերբնական ունակություններ ուենցող աղջկա մասին լուրը հաշված րոպեներում տարածվեց ամբողջ աշխարհում։ 22–ամյա Սաթենիկ Ղազարյանի մոտ արցունքների փոխարեն բյուրեղներ են գալիս։ Դա պարզապես անհավատալի է։ ՆՏՎ–ի թղթակիցն այցելել է Հայաստան, որպեսզի անձամբ հավաքի Սաթենիկի բյուրեղյա արցունքներն ու դրանք ուղարկի փորձաքննության։

Հայաստանի հավաքականի ավագ և Իտալիայի «Ռոմա» ակումբի կիսապաշտպան Հենրիխ Մխիթարյանը վնասվածք է ստացել։ «Հենրիխ Մխիթարյանն աճուկի վնասվածք է ստացել «Լեչեի» դեմ խաղում: Վնասվածքի լրջությունը պարզ կլինի վաղը, երբ մեր ավագը կենթարկվի բուժզննության», –  նշվում է Հայաստանի ֆուտբոլի ֆեդերացիայի Facebook–յան էջում։ 

ՀՀ փոխվարչապետ Մհեր Գրիգորյանը, երկուշաբթի «Եվրասիական աշխարհամասի տարանցիկ ներուժը» խորագրով երկօրյա միջազգային համաժողովի շրջանակում, հերքեց ռուսական գազի գնի 30%–անոց բարձրացման մասին խոսակցությունները։

ԵՏՄ երկրների համար միասնական արժույթի ներդրման հարցը պարբերական շրջանառվում է ինչպես գործարար շրջանակներում, այնպես էլ ԶԼՄ–ներում։ Այդ հարցն այսօր ևս մնում է ակտուալ։ «Նովոստի–Արմենիա» գործակալությունն առաջարկում է մասնակցել հարցմանն ու ներկայացնել ձեր դիրքորոշումը։

Բելառուսի նախագահը վստահեցրել էՀՀ վարչապետին, որ Բելառուսը միշտ պատրաստ է աջակցել Հայաստանին և երբեք ընկերություն չի անի այնպիսի պետության հետ, ինչը կդիտարկվի Հայաստանի դեմ: