ԵՐԵՎԱՆ, 10 մարտի./Նովոստի-արմենիա/. Ամերիաբանկը մասնակցում է DigiTec Summit and Expo 2022 խոշորագույն տարածաշրջանային տեխնոլոգիական միջոցառմանը, որը մեկնարկել է ուրբաթ Կ. Դեմիրճյանի անվան մարզահամերգային համալիրում։
«Այսօր մենք ներկայացնում ենք մեր ծառայությունները, և բացի ծառայություններից, այստեղ են նաև մեր գործընկերները, ովքեր խորհրդատվություն են տրամադրում մեր այցելուներին: Ունենք նաև A-Talk անկյուն, որտեղ կազմակերպվում են ելույթներ ֆինտեխ թեմայով և հետաքրքիր քննարկումներ, որոնք կանցկացվեն բոլոր երեք օրերի ընթացքում»,- ասաց Ամերիաբանկի թվային վաճառքների և հաճախորդների փորձի բաժնի ղեկավար Ռուզաննա Գրիգորյանը Digitec 22-ի շրջանակում։
Նա նշեց, որ Ամերիաբանկի ներկայացուցիչները, բացի իրենց ծառայությունները մատուցելուց, կիսվում են նաև իրենց փորձով:
«Մենք ունենք երկար տարիների կուտակած աշխատանքային փորձ, փորձառու մասնագետները արժեքավոր խորհուրդներ կտան այլ ոլորտների մեր գործընկերներին: Մենք խոսում ենք ոչ միայն ծառայությունների, այլև սովորական մասնագիտական հմտությունների և կարևոր թեմաների մասին»,- ասաց Գրիգորյանը։
«Ամերիաբանկ» ՓԲԸ-ի մասին
«Ամերիաբանկ» ՓԲԸ-ն առաջատար ֆինանսական - տեխնոլոգիական հաստատություն է և ՀՀ տնտեսական ոլորտի առավել նշանակալի դերակատարներից մեկը, որի ակտիվները գերազանցում են 1 տրիլիոն ՀՀ դրամը: Ամերիաբանկը ներկայանում է նորարար ու թվային միջավայրով` էկոհամակարգով, որը մեկտեղում է ֆինանսական և ոչ ֆինանսական ծառայությունները և հնարավորություն ընձեռում բոլոր հիմնական ուղղություններով ստանալ հարմարավետ և հնարավորինս արագ ֆինանսավորում: Հաշվի բացումից մինչև քարտի տրամադրման և ֆինանսավորման համար դիմելու ամբողջ ուղին այժմ հնարավոր է անցնել էկոհամարգի առցանց միջավայրում:
Ամերիաբանկն առաջնորդվում է հաճախորդամետ և բիզնեսի պատասխանատու վարման քաղաքականությամբ՝ թվային, ժամանակակից ու անվտանգ միջավայրում ապահովելով սպասարկման բարձր որակ:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
