ԵՐԵՎԱՆ, 14 ապրիլի. /Նովոստի Արմենիա/. Նախօրեից Երևանի կենտրոնում շուրջօրյա հավաք–նստացույցի մի քանի հարուր մասնակիցներ դիմավորել են լուսաբացը Ֆրանսիայի հրապարակում:
Ցուցարարները` «Ելք» ընդդիմադիր խմբակցության ղեկավար, «Քաղաքացիական պայմանագիր» կուսակցության առաջնորդ Նիկոլ Փաշինյանի գլխավորությամբ, որոնք բողոքում են վարչապետի պաշտոնին Սերժ Սարգսյանի հնարավոր առաջադրման դեմ, ուրբաթ երեկոյան փակել են Երևանի Ֆրանսիայի հրապարակի երթևեկը։ Նրանք ամբողջությամբ արգելափակել են հրապարակի բոլոր հինգ մուտքերն ու նշանակել պատասխանատուներ յուրաքանչյուր հատվածի համար։Ցուցարարներն ուրբաթ փակել են Երևանի Ֆրանսիայի հրապարակի երթևեկը։ փակել են Ֆրանսիայի հրապարակի բոլոր հինգ մուտքերը և պատասխանատուներ են նշանակել յուրաքանչյուր հատվածի համար։
Загружается новость ... "Лево"
Գիշերը ոչ մի միջադեպ չի եղել, հաշվի չառնելով քաղաքացիների աննշան բախումները վարորդների հետ:
Ցուցարարների հետ Ֆրանսիայի հրապարակում եղել է Նիկոլ Փաշինյանը, ինչպես նաև ակտիվիստներ՝ Դավիթ Սանասարյանը, Արմեն Գրիգորյանը, «Ժառանգություն» կուսակցության նախագահ Արմեն Մարտիրոսյանը:
Ինչպես նախօրեին հայտարարել են ակցիայի կազմակերպիչները, կեսօրից հետո Ֆրանսիայի հրապարակում հանրահավաք կանցկացվի, որի ընթացքում կճշտվեն հետագա գործողությունները: Հանրահավաքի գլխավոր մասը սպասվում է ժամը 14.00-ին՝ ցուցարարները երթ կանցկացնեն դեպի ՀՀԿ-ի գլխամասային գրասենյակ, որտեղ պետք է կայանա ՀՀԿ նիստը: Նիստի ժամանակ սպասվում է Սերժ Սարգսյանի առաջադրումը ՀՀ վարչապետի պաշտոնին:
Ինչպես երեկ հայտարարեց Նիկոլ Փաշինյանը, չհաստատված տվյալների համաձայն, ՀՀԿ-ն նախատեսում է անցկացնել նիստն Երևանից դուրս՝ մասնավորապես, Ծաղկաձորում: Ըստ նրա, դա նշանակում է, որ ՀՀԿ-ն հաշվի է առնում ընդդիմության գործողությունները:
Ներկա պահին Ֆրանսիայի հրապարակ տանող բոլոր երեք փողոցները շարունակում են փակ մնալ: Երթևեկը փակ է Մաշտոցի պողոտայում, Սայաթ-Նովայի փողոցում ու Բաղրամյան փողոտայում:-0-
