Չորեքշաբթի` հուլիսի 6–ի առավել ուշագրավ նորությունները
07.07.2016,
08:00
«Նովոստի–Արմենիա» գործակալությունը ներկայացնում է չորեքշաբթի` հուլիսի 6–ի առավել ուշագրավ նորությունների սեփական տարբերակը։
ԵՐԵՎԱՆ, 7 հուլիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է չորեքշաբթի` հուլիսի 6–ի առավել ուշագրավ նորությունների սեփական տարբերակը։
- Սյունիքում գլխիվայր է շրջվել «ԳԱԶ 66» մակնիշի ավտոմեքենան, որը ժամկետային զինծառայողներ էր տեղափոխում։ Քննչական կոմիտեի հաղորդմամբ` ավտոմեքենայում գտնվող 15 հոգանոց անձնակազմը, այդ թվում՝ վարորդն ու ավագը, տեղափոխվել են Կապանի ԲԿ՝ տազոտման համար։ Զոհեր չկան։
- Հունիսի 23–ից շարունակում էր փակ մնալ Հայաստանը Ռուսաստանի հետ կապող ցամաքային միակ ճանապարհը` Վերին Լարսի անցակետը։ ՀՀ ԱԻՆ–ի հաղորդմամբ` Լարսի անցակետը ժամանակավորապես բացվել է հուլիսի 6-ին ժամը 15.00-ից մինչև 20.00 և կրկին կբացվի վաղը՝ ժամը 05.30-ից մինչև 20.00–ն։ Երեկոյան ժամերին, անվտանգության նկատառումներից ելնելով, անցակետը կրկին կփակվի: Միաժամանակ, ԱԻՆ–ը հրապարակել է հատուկ կանոններ, որոնք պետք է պահպանեն բոլոր տեսակի ավտոմեքենաների վարորդները` Վերին Լարսի անցակետով անցնելիս:
- «Մանչեսթեր Յունայթեդը» պաշտոնապես ներկայացրել է Հայաստանի հավաքականի կիսապաշտպան Հենրիխ Մխիթարյանին` որպես իր ակումբի խաղացող: Մխիթարյանը ակումբի հետ կնքել է 4-ամյա պայմանագիր՝ հետագայում այն երկարաձգելու հնարավորությամբ: Միաժամանակ, «Մանչեսթեր Յունայթեդի» գլխավոր մարզիչ Ժոզե Մաուրինյոն ակումբի պաշտոնական հեռուստաալիքին տված հարցազրույցումմեկնաբանել է Մխիթարյանի տեղափոխումը «կարմիր սատանաների» շարքեր: «Մանչեսթեր Յունայթեդը» հրապարակել է ակումբի հետ Հայաստանի հավաքականի կիսապաշտպան Հենրիխ Մխիթարյանի պայմանագրի ստորագրման տեսանյութը:
- «Ոսկե ծիրան» 13–րդ միջազգային կինոփառատոնի գեղարվեստական ղեկավար Սուսաննա Հարությունյանը հայտնել է, որ կինեմատոգրաֆի նորույթների համաշխարհային պրեմիերաներ կկայանան Երևանում` կինոփառատոնի շրջանակում, որը կանցկացվի հուլիսի 10–17–ը։ Նրա խոսքով` կինոփառատոնի շրջանակում կկազմակերպվեն ֆրանսիական, գերմանական, ռուսական, լեհական, անգլիական, դանիական կինոյի օրեր, որոնց ժամանակ կցուցադրվեն միջազգային հեղինակավոր կինոփառատոններին ներկայացված լավագույն ֆիլմերը։–0–
Պատճենել հղումը
