Երևանը Բաքվից բանակցությունների կառուցողական ընթացք է ակնկալում. ՀՀ ԱԳՆ

ԵՐԵՎԱՆ, 17 դեկտեմբերի. /Նովոստի–Արմենիա/. Երևանը հույս ունի, որ Բաքուն Հայաստանի և Ադրբեջանի նախագահներ Սերժ Սարգսյանի և Իլհամ Ալիևի` դեկտեմբերի 19–ին Բեռնում կայանալիք բանակցություններից հետո կվերադառնա կառուցողական հուն, նշեց Հայաստանի փոխարտգործնախարար Շավարշ Քոչարյանը։

«Հույս ունենք, որ Ադրբեջանը վերջապես կվերադառնա կառուցողական, իրական հուն։ Ադրբեջանի գործողությունները հակասում են միջազգային իրավունքին, միջնորդների կոչերին, միջազգային պրակտիկային»,– հինգշաբթի լրագրողներին ասաց Քոչարյանը։

Հայաստանի և Ադրբեջանի նախագահների հանդիպումը կանցնացվի դեկտեմբերի 19–ին Բեռնում>>

«Այսպիսով, տեսնենք, կհաջողվի, արդյո՞ք, Ադրբեջանին բերել կառուցողական հուն, թե՞ միանգամայն նոր գործընթաց կսկսվի»,– ավելացրեց փոխնախարարը։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին։ 1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի հետևանքով երկու կողմից զոհվեց մոտավորապես 25-30 հազ մարդ և մոտ մեկ միլիոնը ստիպված եղավ լքել բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։ 1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում։–0–