Ամառ՝ դեկտեմբերին. Սուրենյանը Դիլիջանի անտառային հրդեհից կադրեր է հրապարակել (ՎԻԴԵՈ)

ԵՐԵՎԱՆ, 22 դեկտեմբերի./Նովոստի-Արմենիա/. ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը կոչ է արել հայաստանցիներին չզարմանալ ԱԻՆ-ի զգուշացումներից:

Այսօր ավելի վաղ, Արտակարգ իրավիճակների նախարարությունը հայտնել էր, որ մինչև դեկտեմբերի 26-ը օդի ջերմաստիճանի կտրուկ բարձրացումը նախալեռնային և լեռնային գոտիներում կարող է մեծացնել հրդեհների հավանականությունը խոտածածկ և անտառածածկ տարածքներում:   

Ամանորին նախորդող օրերին այս բնույթի հաղորդագրությունը զարմանք էր առաջացրել օգտատերերի շրջանում:

Գագիկ Սուրենյանն, իր Facebook-յան էջում Հրանտ Մանասյանի՝ Դիլիջանում արված տեսանյութը հրապարակելով, հորդորում է մարդկանց չզարմանալ ԱԻՆ-ի զգուշացումներից: Տեսանյութում երևում է, թե ինչպես է այրվում անտառածածկ տարածքը: