Երևանում եղանակային բացառիկ երևույթ է գրանցվել (ՖՈՏՈ)

ԵՐԵՎԱՆ, 20 հունիսի. /Նովոստի–Արմենիա/. Քիչ առաջ Երևանում եղանակային բացառիկ երևույթ է գրանցվել, տեղացել է «կույր» անձրև։



Ժամը 20։00–ի սահմանում Երևանում վայրկյանների ընթացքում սկսվեց ուժեղ քամի։ Միաժամանակ ամպրոպային ամպեր Երևանի կենտրոնում չկային, նկատվում էր միայն փոփոխական ամպամածություն։



Կատաղի քամու ֆոնին սկսվեց տեղատարափ անձրև, որը կարճ ժամանակում վերածվեց սելավի։

Մի քանի րոպե շարունակ անձրևում էր` արևի պայծառ շողերի ֆոնին։–0–



Լուսանկարները` «Նովոստի–Արմենիա» գործակալության