Փաշինյանի «Իմ քայլը» դաշինքն առաջատարն է ընտրատեղամասերի 75%-ում․ ԿԸՀ

ԵՐԵՎԱՆ, 10 դեկտեմբերի․ /Նովոստի-Արմենիա/․ ՀՀ վարչապետի պաշտոնակատար Նիկոլ Փաշինյանի «Իմ քայլը» դաշինքն առաջատարն է կիրակի՝ դեկտեմբերի 9-ին անցկացված խորհրդարանական արտահերթ ընտրություններում։

ՀՀ Կենտրոնական ընտրական հանձնաժողովն ամփոփեց 1639 ընտրատեղամասերի նախնական արդյունքները:

Ըստ ԿԸՀ նախնական տվյալների, առաջատարն է առաջատարն է «Իմ քայլը» դաշինպքը, որը հավաքել է ձայների 70,37%-ը։ Առաջին եռյակում են նաև «Բարգավաճ Հայաստան» (ձայների 8,37%-ը) և «Լուսավոր Հայաստան» (6,36%) կուսակցությունները։

Ընտրողների ձայներն ընտրությունների մյուս մասնակիցների միջև բաշխվել են հետևյալ կերպ` Հայաստանի հանրապետական կուսակցություն` 4,54%, «Քաղաքացու որոշում» սոցիալ-դեմոկրատական կուսակցություն` 0,667%, ՀՅ Դաշնակցություն (3,99%), «Քրիստոնեա-ժողովրդական վերածնունդ» կուսակցություն` 0,51%, «Ազգային առաջընթաց» կուսակցություն` 0,33%, «Մենք» կուսակցությունների դաշինք` 2,08%, «Օրինաց երկիր»` 1,02%, «Սասնա ծռեր» համահայկական կուսակցություն` 1,78%:

Խորհրդարան անցնելու համար սահմանված է 5%–անոց շեմ` կուսակցությունների համար և 7%–անոց շեմ` դաշինքների համար։ Ընտրողների մասնակցության շեմ ՀՀ–ում չկա։ Ընտրական օրենսգրքի համաձայն, ընտրությունների արդյունքներով` խորհրդարան կանցնի առնվազն երեք քաղաքական ուժ` անկախ կուսակցությունների և դաշինքների համար սահմանված տոկոսային շեմի հաղթահարումից։-0-