Նիկոլ Փաշինյանն ու նրա համախոհները փորձում են մտնել «Փեթակ» առևտրի կենտրոն

ԵՐԵՎԱՆ, 19 ապրիլի./Նովոստի–Արմենիա/. «Ելք» խմբակցության ղեկավար Նիկոլ Փաշինյանը կոչ է անում ոստիկաններին թույլ տալ նրան մտնել «Փեթակ» մեծածախ առևտրի կենտրոն։ Ոստիկանությունը պատնեշ է կազմել։ 

Փաշինյանը դիմում է շուկայի աշխատակիցներին, որպեսզի վերջիններս միանան բողոքի ակցիային։ Այս պահին Փաշինյանին թույլատրեցին մուտք գործել շուկայի տարածք, սակայն լրագրողների մուտքն արգելվեց։

Հիշեցնենք, որ այս առավոտյան ցուցարարներն արգելափակել էին կառավարության շենքերի մուտքերը։ Մեծ թվով ոստիկաններ էլ բացեցին արգելքն ու հետ մղեցին ակցիայի մասնակիցներին։–0–