«Հայաստան ջան». Ավետ Բարսեղյանի նոր հաղորդաշարը՝ Հ1–ի եթերում

ԵՐԵՎԱՆ, 13 սեպտեմբերի. /Նովոստի–Արմենիա/. Հանրային հեռուստաընկերության նոր եթերաշրջանում Ավետ Բարսեղյանը կներկայանա նոր հեռուստանախգծով, հաղորդում է հեռուստաընկերության մամուլի ծառայությունը։

Հինգ փուլից կազմված խաղի ընթացքում կհնչեն բացառապես Հայաստանի ու հայերի պատմությանը, մշակույթին, խոհանոցին ու արվեստին վերաբերող հարցեր: Առանձին փուլով մասնակիցները կստուգեն նաև հայրենագիտության ոլորտի իրենց գիտելիքները:

«Հայաստան ջան»-ը եթերում կլինի յուրաքանչյուր շաբաթ ժամը 20:30-ին:

Հանրային հեռուստաընկերության նոր եթերաշրջանը կմեկնարկի սեպտեմբերի 18-ին՝ ազդարարելով շուրջ մեկ տասնյակ նոր հաղորդումների սկիզբը:–0–