Գալուստ Սահակյանի որդին ուզում է պատգամավոր դառնալ

ԵՐԵՎԱՆ, 30 նոյեմբերի. /Նովոստի–Արմենիա/. ՀՀ ազգային ժողովի նախագահ Գալուստ Սահակյանի որդին՝ ՀՀ կառավարությանն առընթեր պետական գույքի կառավարման վարչության պետ Արման Սահակյանը, մտադիր է իր թեկնածությունն առաջադրել 2017-ի խորհրդարանական ընտրություններում, գրում է «Ժողովուրդը»։

Թերթը տեղեկությունը փորձել է ճշտել Ա. Սահակյանից, սակայն իրենց զանգերն անպատասխան են մնացել, իսկ նրա օգնական Մարգարիտա Սարգսյանը ո՛չ հերքել, ո՛չ հաստատել է լուրը՝ նշելով. «Պարոն Սահակյանը հանդիսանում է Աջափնյակի ՀՀԿ տարածքային կառույցի խորհրդի ղեկավարը և հետևաբար ակտիվ մասնակցություն է ունենալու ընտրությունների կազմակերպչական գործունեությանը, իսկ թեկնածության հետ կապված հստակ պատասխան տալ չեմ կարող», գրում է թերթը։–0–