Բեսլանի մոտակայքում ավտոբուսի վթարից տուժածներից երկուսը դուրս են գրվել հիվանդանոցից. Հյուսիսային Օսեթիայի ԱՆ

ԵՐԵՎԱՆ, 17 հոկտեմբերի. /Նովոստի–Արմենիա/. Բեսլանի մոտակայքում ավտոբուսի վթարից տուժածներից երկուսը դուրս են գրվել հիվանդանոցից, ևս մի տուժած տեղափոխվել է Ռոստովի շրջանի բժշկական հաստատություն, հաղորդում է Հյուսիսային Օսեթիայի առողջապահության նախարարությունը։

«Հոկտեմբերի 17–ի դրությամբ տասը հոսպիտալացվածներից յոթ մարդ (այդ թվում` երեք երեխա) ) շարունակում են բուժումը բժշկական հաստատություններում։ Բավարար վիճակով դուրս է գրվել երեք մարդ, որոնցից երկուսը Հայաստանի քաղաքացիներ են և մեկ երեխա, որին տեղափոխել են Դոնի Ռոստովի հիվանդանոցի նյարդաբանական բաժանմունք», – նշվում է հաղորդագրության մեջ։

Մոսկվա-Երևան վթարված ավտոբուսի՝ ՌԴ-ում բուժվող 4 տուժածների մոտ արձանագրվել է դրական տեղաշարժ>>
Հոկտեմբերի 14-ին առավոտյան` Երևանի ժամանակով ժամը 05.30-ի սահմանում, Վլադիկավկազ քաղաքի մոտ` շրջադարձային ճանապարհի 8-րդ կմ-ին, Մոսկվա-Երևան երթուղային ավտոբուսը բախվել է «Սկանիա» բեռնատարին։ Նախնական տվյալներով, ավտոբուսում եղել է 45-52 մարդ: Վթարի հետևանքով զոհվել է ազգությամբ հայ 2 ՀՀ քաղաքացի, ազգությամբ ռուս 3 ՌԴ քաղաքացի: Ուրբաթ երեկոյան ՌԴ ԱԻՆ-ի ինքնաթիռը Երևան է տեղափոխել վթարի ենթարկված 29 ուղևորի և զոհվածներից մեկի դին։–0–