ԱԺ խոսնակն անվտանգության սպառնալիք է անվանել ընդդիմության արարքը խորհրդարանում

ԵՐԵՎԱՆ, 11 ապրիլի. /Նովոստի Արմենիա/. Ազգային ժողովի նախագահ Արա Բաբլոյանն անվտանգության սպառնալիք է անվանել խորհրդարանի նիստերի դահլիճում ընդդիմության կողմից իրականացված գործողությունները:

Նա նշեց, որ հանդես է գալիս ոչ միայն որպես ԱԺ խոսնակ, այլ նաև որպես հասարակ քաղաքացի և բժիշկ, ով անընդունելի է համարում պատգամավորների ու քաղաքացիների առողջության վտանգումը` ելնելով քաղաքական կամ այլ նպատակներից:

«Պատկերացրեք, թե ինչ կարող էր տեղի ունենար, եթե բռնկում լիներ: Շենքում աշխատում է 700 մարդ, և նրանք բոլորը վտանգի տակ կհայտնվեին: Անընդունելի եմ համարում այդ արարքը», - ասաց Բաբլոյանը:–0–