ԵՐԵՎԱՆ, 7 մարտի./Նովոստի-Արմենիա/. 2021թ.-ի հոկտեմբերի 21-ին 540 գրամ քաշով ծնված տղան այսօր արդեն դուրս է գրվում 3 կգ 700 գրամ քաշով:
Ինչպես Facebook-յան իր էջում հայտնում է ԵՊԲՀ ռեկտոր, առողջապահության նախկին նախարար Արմեն Մուրադյանը, «Մուրացան» համալսարանական հիվանդանոցի բուժաշխատողները՝ հոկտեմբերի 21-ին, 540 գրամ ծնված Անդրեյին Վանաձորից տեղափոխեցին Երևան: Բուժաշխատողները 137 օր ապրեցին Անդրեյի սրտի զարկերի հետ և ապրեցրեցին ուժեղ կամքով փոքրիկին:
Առողջապահության նախարարության հաղորդմամբ, նախարար Անահիտ Ավանեսյանը Երևանի Մոր և մանկան առողջության պահպանման գիտահետազոտական կենտրոնում ներկա է գտնվել երեխայի դուրսգրմանը։
Նախարարը նկատել է, որ հետծննդյան ճիշտ խնամքի և բուժօգնության շնորհիվ 540 գրամ ծնված փոքրիկը դուրս է գրվում 3 կգ 700 գրամ քաշով` առանց առողջական որևէ բարդության:
Այցի շրջանակներում Անահիտ Ավանեսյանը շրջել է կենտրոնի վերակենդանացման բաժանմունքում, այցելել արտամարմնային բեղմնավորման բաժանմունք:
Նախարարը նշել է, որ «Անպտղության հաղթահարման ծրագիրը» մեծ արձագանք է գտել հանրության շրջանում, ծրագրի շահառուներն են նաև 44-օրյա պատերազմում զոհված զինծառայողների ծնողները:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում