Տավուշում 35կմ երկարությամբ ճանապարհ և նոր կամուրջ կկառուցվի՝ 4,2 մլրդ դրամ ընդհանուր արժեքով (ՎԻԴԵՈ)
03.08.2024,
11:35
Ըստ Փաշինյանի, սա ներդրումային լրիվ նոր միջավայր է, որն անտառային գոտով է անցնում․ ՎԻԴԵՈ
ԵՐԵՎԱՆ, 3 օգոստոսի․/Նովոստի–Արմենիա/․ Նիկոլ Փաշինյանը Գանձաքար-Իծաքար հատվածում հետևել է Հ-36, /Մ-4/ Նավուր - Բերդ - Այգեպար հանրապետական նշանակության ավտոճանապարհի հիմնանորոգման աշխատանքների ընթացքին: Այս մասին վարչապետը հայտնել է ֆեյսբուքյան իր էջում։
«Սա ներդրումային լրիվ նոր միջավայր է, որն անտառային գոտով է անցնում»,- նշել է նա։
Ըստ հայտարարության՝ 4,2 մլրդ դրամ ընդհանուր արժեքով ծրագիրը ներառում է 35 կմ երկարությամբ ճանապարհի, ինչպես նաև Հախում գետի վրա նոր կամրջի կառուցումը։
«Իսկ հին կամուրջը այցեքարտ կդառնա տուրիստական հոսքերի համար, որոնք կառուցվող նոր ճանապարհի շնորհիվ կուղղվեն Բերդ և Իջևան»,- գրել է Փաշինյանը։
Պատճենել հղումը
