ԵՐԵՎԱՆ, 8 ապրիլի. /Նովոստի-Արմենիա/. Մեր հայրենակից Տաթև Հակոբյանը դարձել է ծանրամարտի Եվրոպայի առաջնության բրոնզե մեդալակիր, հայտնում է
armsport.am-ը:
Ծանրամարտի Եվրոպայի առաջնությունն անցկացվում է Խորվաթիայի Սպլիտ քաղաքում:
«Կանանց մրցումներում 90 կգ քաշային կարգում Տաթև Հակոբյանը պոկում վարժությունում 105 կգ արդյունքով երրորդն էր: Հրում վարժությունում նա 125 կգ արդյունքով գրավել է չորրորդ տեղը, սակայն դա բավարար է եղել երկամարտի արդյունքով բրոնզե մեդալ նվաճելուն»,- ասվում է հաղորման մեջ:
Ավելի վաղ 75 կգ քաշային կարգում բրոնզե մեդալ էր նվաճել նաև Սոնա Պողոսյանը: -0-