ԵՐԵՎԱՆ, 26 սեպտեմբերի. /Նովոստի–Արմենիա/. Անգլիական «Մանչեսթեր Յունայթեդի» հայ կիսապաշտպան Հենրիխ Մխիթարյանը խոսել է սեպտեմբերի 27-ին Մոսկվայում կայանալիք ԲԿՄԱ-ի հետ հանդիպման մասին:
«Նախորդ մրցաշրջանում խաղում էինք Ռոստովում, հաճելի էր տեսնել հայ երկրպագուների: Կարծում եմ, որ վաղը նրանք նույնպես կգան ինձ աջակցելու: Կփորձեմ անել հնարավոր ամեն ինչ, որպեսզի նրանց ուրախացնեմ և գոլ խփեմ», – նշել է Հենրիխ Մխիթարյանը, հաղորդում է armsport–ը` հղում անելով Championat.com–ին։
Загружается новость ... "Лево"
Հենրիխ Մխիթարյանը նաև նշել է, որ այն, որ ԲԿՄԱ-ն հաղթել է «Բենֆիկային», վկայում է նրա մասին, որ նրանք ուժեղ մրցակից են:
«Հետևում եմ ռուսական ֆուտբոլին և կարող եմ ասել, որ այս տարի ԲԿՄԱ-ն այնպիսին չէ, ինչ նախկինում: Որպես թիմ բանակայիններն ավելի ուժեղ են, քան նախորդ տարիներին»,- նշել է Հենրիխ Մխիթարյանը։
Հիշեցնենք, որ վաղը` սեպտեմբերի 27–ին, ՄՅՈւ–ն ուժերը կչափի Մոսկվայի ԲԿՄԱ–ի հետ Չեմպիոնների լիգայի 2017-2018 մրցաշրջանի խմբային փուլի 2-րդ տուրի շրջանակում։–0–