ԵՐԵՎԱՆ, 14 սեպտեմբերի./Նովոստի–Արմենիա/. Մասնագետները նշում են, որ աղի չափից շատ օգտագործումը բացասաբար է ազդում սրտի և անոթների վրա։ Սիրտ–անոթային համակարգի վրա կարող է ազդել աղի անգամ չնչին չափաբաժինը։
Մարդու վրա աղի ազդեցության թեմային է նվիրված Սրտաբանների եվրոպական միության զեկույցը, որտեղ, մասնավորապես, նշվում է, որ «աղի օգտագործումը վնասակար է առողջության համար», գրում է medikforum.ru–ն։
Կանադայի ՄըքՄասթեր համալսարանի պրոֆեսոր Սալիմ Յուսուֆի խոսքով, բազմաթիվ ուսումնասիրությունների արդյունքում բացահայտվել է շատ կարևոր մի փաստ. աղի օգտագործումն ուղղակիորեն կապված է սիրտ–անոթային համակարգի հիվանդությունների հետ։ Պրոֆեսորը նաև նշում է, որ աղը կարող է հանգեցնել վաղաժամ մահվան։
Загружается новость ... "Лево"
Մեր հաշվարկներով, աղի անգամ չնչին չափաբաժինը կարող է հասցնել անուղղելի վնաս։ Նա ընդգծել է, որ մարդուն առողջության պահպանման համար բավարար է օրական վեց գրամ աղից ոչ ավել։
Յուսուֆն ընդգծել է, որ միրգն ու բանջարեղենն առանց աղի ու շաքարավազի շատ ավելի օգտակար են, քան սուպերմարկետներում վաճառվողները, որոնց վաճառքից առաջ թաթախում են շաքարավազի մեջ կամ աղ են ավելացնում։
Նրա խոսքով, մարդու համար անչափ օգտակար են կաթն ու բնական կաթնամթերքը, ինչպես նաև բանջարանոցներում աճեցված բանջարեղենն ու ընկուզեղենը։–0–
