Հիմա էլ կոկորդիլոսը. Երևանի կենդանաբանական այգում կենդանիների անկման դեպքերը շարունակվում են

15:30

26 Նոյեմբերի 2018

ԵՐԵՎԱՆ, 26 նոյեմբերի./Նովոստի–Արմենիա/. Երևանի կենդանաբանական այգում այսօր սատկել է կոկորդիլոսներից մեկը։

Այս մասին նշվում է այգու Facebook–յան էջում։

«Ցավալի լուր, առավոտյան կենդանաբանական այգու կոկորդիլոսներից մեկին գտել են սատկած: Թե որն է կենդանու անկման պատճառը, կհայտնենք դիահերձումից և համապատասխան լաբորատոր փորձաքննություններից հետո: Այս պահին կենդանաբանական այգին ոչ մի լրացուցիչ տեղեկատվություն չի կարող տրամադրել», – նշվում է գրառման մեջ։

Загружается новость ... "Лево"

Վերջին շրջանում հաճախակի են դարձել Երևանի կենդանաբանական այգուց ստացվող վատ լուրերը։ Ամռան սկզբում խոսակցություններ տարածվեցին տուբերկուլյոզից կենդանիների անկման դեպքերի և այգու ղեկավարության կողմից այդ տեղեկատվությունը թաքցնելու մասին, սակայն այգու տնօրինությունը հանգստացրեց հասարակությանը` հայտարարելով, որ տուբերկուլյոզից կենդանիների անկման դեպքեր գրանցվել են 2018 թ.–ի հունվարին ուղտայծերի, եղջերուների, կխտարների, այծերի ազատավանդակում, և դրանից հետո իրավիճակը շտկվել է։

Ավելի ուշ` հուլիսի 20–ին, այգին տեղեկացրեց, որ սատկել է այգու ամուրյան վագրերից արուն՝ Նոբելը։ Հոկտեմբերի սկզբին էլ տեղեկատվություն ստացվեց, որ ներտեսակային պայքարի հետևանքով գրանցվել է անդրկովկասյան գորշ արջի անկում, իսկ նոյեմբերի 13–ին այգու տնօրինությունը հայտնեց, որ սատկել է այգու զեբրը, որի օրգանիզմում հայտնաբերվել է մեծ քանակի մկնդեղ։ Հասարակության շրջանում աճում է մտահոգությունը կենդանիների անկման` հաճախակի դարձած դեպքերի կապակցությամբ։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Երևան #կենդանաբանական այգի #կոկորդիլոս

Թեմատիկ նյութեր