ԵՐԵՎԱՆ, 1 օգոստոսի. /Նովոստի–Արմենիա/. Հայաստանի ԱԳՆ–ն հանդես է եկել հայտարարությամբ` Հայաստանում վերջին շրջանի զարգացումների վերաբերյալ միջազգային գնահատականների մասով։
«Մենք հետևում ենք միջազգային արձագանքներին Հայաստանում տեղի ունեցող ներքին գործընթացների շուրջ, որոնք պայմանավորված են կառավարության ներքին առաջնահերթություններ հանդիսացող իրավական պետության և արդարադատության անկախ համակարգի կայացմամբ, կոռուպցիայի դեմ պայքարով։ Այս գործընթացները փոխկապակցված չեն Հայաստանի արտաքին քաղաքականության հետ և չպետք է տարընթերցման առիթ հանդիսանան», – ինչպես հայտնել է ԱԳՆ, այդ մասին ասել է ԱԳՆ մամուլի քարտուղար Տիգրան Բալայանը:
Ըստ նրա, այս առնչությամբ վերահաստատում ենք, որ մեր արտաքին քաղաքական առաջնահերթությունները, որոնք հստակորեն ամրագրված են խորհրդարանի կողմից հաստատված կառավարության ծրագրում, ուղղված են հայ-ռուսաստանյան դաշնակցային հարաբերությունների հետագա ամրապնդմանն ու խորացմանը, ՀԱՊԿ և ԵԱՏՄ շրջանակներում փոխգործակցության արդյունավետության բարձրացմանը։
«Մենք անշեղորեն հետևում ենք հռչակված ուղեգծին», – նշել է Բալայանը։
Загружается новость ... "Лево"
Երևանի Շենգավիթ համայնքի ընդհանուր իրավասության դատարանը հուլիսի 27–ի գիշերը որոշում ընդունեց երկու ամսով կալանավորել Ռոբերտ Քոչարյանին։Հայաստանի երկրորդ նախագահ Ռոբերտ Քոչարյանին մեղադրանք է առաջադրվել Հայաստանի Հանրապետության սահմանադրական կարգը տապալելու համար: Նույն օրը միջնորդություն է ներկայացվել Երևան քաղաքի ընդհանուր իրավասության առաջին ատյանի դատարան` Ռոբերտ Քոչարյանի նկատմամբ կալանավորումը որպես խափանման միջոց ընտրելու համար: Քոչարյանը «Մարտի 1»–ի գործով ՀՔԾ է հրավիրվել որպես վկա, սակայն նրան առաջադրվել է մեղադրանք։ Գործով վկա է կանչվել նաև ՀԱՊԿ գլխավոր քարտուղար Յուրի Խաչատուրովը, ում նույնպես առաջադրվել է մեղադրանք։ Նա գրավի դիմաց ազատ է արձակվել։ Որպես մեղադրյալ ներգրավված է նաև ՀՀ պաշտպանության նախկին նախարար Միքայել Հարությունյանը, ով այս պահին հանրապետությունում չէ:
Դրանից հետո մի շարք ռուս փորձագեներ հանդես են եկել հայտարարությամբ, որ ներկա իրավիճակը Հայաստանի աշխարհաքաղաքական անվտանգության համատեքստում, ինչպես նաև դաշնակիցների հետ հարաբերություններում կարող է որոշակի մարտահրավերներ ստեղծել ։ ՌԴ ԱԳ նախարար Սերգեյ Լավրովը հայտարարել է նախօրեին, որ Հայաստանում տեղի ունեցող իրադարձությունները չեն համապատասխանում երկրի նոր ղեկավարության այն հայտարարություններին, որ նախկին իշխանությունների նկատմամբ հետապնդումներ չեն լինելու։ –0–