ԵՐԵՎԱՆ, 19 մարտի./Նովոստի–Արմենիա/. Ամերիաբանկի կողմից տնտեսության վարկավորման ծավալը 2008թ.–ից կազմել է ավելի քան 4,5 մլրդ դոլար։ Այս մասին երեքշաբթի լրագրողներին ասաց Ամերիաբանկի տնօրինության նախագահ–գլխավոր տնօրեն Արտակ Հանեսյանը։
Նրա խոսքով, այդ ծավալից մոտ 1,2 մլրդ դոլարը բաժին է հասել արտահանման ֆինանսավորմանը, այսինքն գումարը տրամադրվել է արտահանում իրականացնող ընկերություններին։
Հանեսյանը նշեց, որ այդ ժամանակահատվածում Ամերիաբանկի վարկային պորտֆելն աճել է տարեկան միջինն ավելի քան 39%–ով։
Загружается новость ... "Лево"
«2018 թ.–ին սպառողական պորտֆելը կրկնապատկվել է, հիփոթեքային պորտֆելի աճը գերազանցել է 50%–ը, բիզնես վարկերն աճել են 14%–ով։ Կրկնապատկվել է նաև բանկերի հաճախորդների թիվը։ Նման ցուցանիշներն, իհարկե, պայմանավորված են 2018թ.–ի սկզբին ներդրված նոր պրոդուկտներով», – ասաց նա։
Հանեսյանը, մասնավորապես, հիշեցրեց, որ Ամերիաբանկը նախորդ տարվա սկզբին ներդրել է ֆիզիկական անձանց համար նախատեսված առցանց վարկեր` սքորինգի հիման վրա, ինչպես նաև գործարկել է առցանց վարկավորում ՓՄՁ–ների համար։
«Ամերիաբանկ» ՓԲԸ–ն Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007թ-ից` տրամադրում է նորարարական բանկային ծառայությունների լայն տեսականի: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը բազմիցս արժանացել է միջազգային ֆինանսական մրցանակների` Euromoney, Global Finance, The Banker։–0–