542.18
7.56
481.98
+1
Եղանակը Երևանում
Հայ

Տնտեսական հեղափոխությունն ու Հայաստանի բանկային ոլորտը

15:12
18 Մարտի 2019

ԵՐԵՎԱՆ, 18 մարտի./Նովոստի–Արմենիա/. 2019թ.–ի փետրվարին ՀՀ վարչապետ Նիկոլ Փաշինյանը հայտարարել է, որ Հայաստանի բանկային ոլորտը պետք է ֆինանսավորի տնտեսական հեղափոխությունը հանրապետությունում։  

Հանուն արդարության պետք է նշել, որ Հայաստանի բանկային համակարգն արդեն վաղուց կարևոր դերակատարություն ունի երկրի տնտեսության զարգացման գործում, իսկ վերջին տարիներին դրա նշանակությունը սկսեց էապես աճել։ 

Վերջին 10 տարում տնտեսության մեջ ֆինանսական միջնորդության ցուցանիշներից մեկը` ՀՆԱ–ի նկատմամբ վարկերի հարաբերակցությունը, գրեթե եռապատկվել է։ 2018թ.–ի արդյունքում վարկերի մասնաբաժինը ՀՆԱ–ում կազմել է 51,6%, այն դեպքում, երբ 2008թ.–ին այն կազմում էր 17,8%։ Այս ցուցանիշը հիմա գտնվում է պատմական բարձր մակարդակի վրա և ամենաբարձրներից մեկն է ԱՊՀ երկրների շրջանում։ 

Խոշոր արտադրությունները, ենթակառուցվածքային և այլ նախագծերը, ինչպես նաև փոքր և միջին բիզնեսի ոլորտն այսօր հազվադեպ են գործում առանց բանկերի ֆինանսավորման։ Հայաստանի բանկային համակարգը երկրի տնտեսության ամենախոշոր և գրեթե այլընտրանք չունեցող ներդրողն է, և դա ունի մի շարք կարևոր պատճառներ։

Այս հանգամանքն առաջին հերթին պայմանավորված է նրանով, որ ֆինանսական շուկայի մնացած դերակատարները ոչ բավարար զարգացած են կամ կայացած` բանկային համակարգի համեմատ, որն ապացուցել է իր հուսալիությունն ու կայունությունը ֆինանսական ցնցումների նկատմամբ։

Միաժամանակ օտարերկրյա ուղիղ ներդրումները, որպես բիզնեսի ֆինանսավորման աղբյուր, հատկապես վերջին շրջանում, հեռու են բավարար լինելուց. դրանց ծավալը, Համաշխարհային բանկի վերջին տվյալներով (2017թ.), կազմել է ընդամենը 249,7մլն դոլար։ Այս ցուցանիշի հետահայաց վերլուծությունը վկայում է այն մասին, որ օտարերկրյա ուղիղ ներդրումների ներհոսքի ցուցանիշի վերին շեմը գրանցվել է 10 տարի առաջ և կազմում է մոտ 1 մլրդ դոլար։ 

Միաժամանակ, 2018թ.–ի արդյունքներով բանկերի կողմից իրականացվող վարկավորումը գերազանցել է 3 տրիլիոն դրամը կամ մոտ 6,2 մլրդ դոլարը։ 

Այսպիսով, եթե բանկային համակարգն ընդհանուր առմամբ Հայաստանի տնտեսության ֆինանսավորման գլխավոր աղբյուրն է, ապա բանկերի շրջանում թիվ 1 ներդրողն Ամերիաբանկն է։ Այսպես, Ամերիաբանկն այսօր հանրապետությունում գործող 17 բանկերի շրջանում զբաղեցնում է առաջատար դիրքը ինչպես վարկավորման համախառն ծավալով, այնպես էլ մասնավոր ձեռնարկությունների վարկավորման ծավալով։ 

Ամերիաբանկի վարկային պորտֆելը 2018թ.–ի արդյունքում կազմել է 547,9մլրդ դրամ կամ Հայաստանի բանկային համակարգի վարկավորման ընդհանուր ծավալի 17,8%–ը։ Միաժամանակ մեկ տարում բանկն ապահովել է վարկային պորտֆելի 14,2%–անոց աճ։ 

Ամերիաբանկի կողմից մասնավոր ձեռնարկությունների վարկավորման ծավալը նախորդ տարվա արդյունքում կազմել է 440,2 մլրդ դրամ։ Ընդ որում, բանկը զբաղեցնում է առաջատարի դիրքը նաև խոշոր ձեռնարկությունների վարկավորման ցուցանիշով, որը կազմել է 346,6մլրդ դրամ, իսկ ՓՄՁ–ի վարկավորման պորտֆելը հասել է 93,6 մլրդ դրամի։ 

Ամերիաբանկի վարկային պորտֆելը դիվերսիֆիկացված է, բանկն ամբողջ ծավալով վարկավորում է տնտեսության տարբեր ոլորտները։ Մասնավորապես, բանկի կողմից արդյունաբերության վարկավորումը 2018թ.–ի վերջին կազմել է 87,2 մլրդ դրամ, գյուղատնտեսության վարկավորումը` 13,1 մլրդ դրամ, շինարարության վարկավորումը` 22,5 մլրդ դրամ, տրանսպորտի և կապի վարկավորումը` 48,2 մլրդ դրամ, առևտրի վարկավորումը` 81,7 մլրդ դրամ, սպասարկման ոլորտի վարկավորումը` 20,7 մլրդ դրամ։ 

Հարկ է նշել, որ ԿԲ–ի կողմից կապիտալի նկատմամբ նվազագույն պահանջների ավելացման շնորհիվ Ամերիաբանկի համախառն կապիտալը համալրվեց` հասնելով 89,7 մլրդ դրամի կամ մոտ 184 մլն դոլարի, և այսօր այն ամենախոշորն է բանկային շուկայում։ Դա թույլ է տալիս բանկին ընդլայնել Հայաստանի տնտեսության ֆինանսավորման հնարավորություններն ու զգալի ներդրում կատարել դրա զարգացման գործում։–0–

Թեմատիկ նյութեր
Բաժնի այլ նյութեր
19:54
12 Ապրիլի 2019
Ամերիաբանկը թվերով 2. բանկը 10 տարում ներդրել է 4,5 մլրդ դրամ Հայաստանի տնտեսության մեջ (ՎԻԴԵՈ)
Ամերիաբանկը թվերով 2. բանկը 10 տարում ներդրել է 4,5 մլրդ դրամ Հայաստանի տնտեսության մեջ:
16:45
10 Ապրիլի 2019
Հայաստանը և Ռուսաստանը պայմանավորվում են փամփուշտների համատեղ արտադրության մասին
Առանցքային հարցերի վերաբերյալ ձեռք է բերվել փոխադարձ համաձայնություն:
11:00
07 Ապրիլի 2019
Խոշոր ավտովթար Արարատի մարզում. կա 4 վիրավոր
Արարատի մարզում Toyota Land Cruiser–ը դուրս է եկել ճանապարհի երթևեկելի գոտուց և,  կամրջից մի քանի մետր շրջվելով, հայտնվել դաշտում, կա 4 վիրավոր։
17:41
05 Ապրիլի 2019
ՀԲ–ն նվազեցրել է Հայաստանի տնտեսական աճի 2019 թ.–ի կանխատեսումը
Համաշխարհային բանկը 2019 թ.-ին կանխատեսում է Հայաստանի ՀՆԱ-ի 4,2%–ի աճ, իսկ 2020 թ.-ին`4,9%–ի:
14:56
01 Ապրիլի 2019
Երևանի կոնյակի գործարանը կմթերի 29 հազար տոննա խաղող նոր գնով
Երևանի կոնյակի գործարանը կմթերի 29 հազար տոննա խաղող նոր գնով:
10:27
29 Մարտի 2019
Փաշինյանը մեկնաբանել է Moody's–ի` Հայաստանի բանկային հատվածի կանխատեսման բարելավումը
Հայաստանի վարչապետ Նիկոլ Փաշինյանը մեկնաբանել է Moody's  գործակալության` երկրի բանկային հատվածի կանխատեսման բարելավումը։
19:56
19 Մարտի 2019
Ամերիաբանկի կողմից Հայաստանի տնտեսության վարկավորումը 10 տարվա ընթացքում գերազանցել է 4,5 մլրդ դոլարը
Ամերիաբանկի կողմից տնտեսության վարկավորման ծավալը 2008թ.–ից կազմել է ավելի քան 4,5 մլրդ դոլար։
17:52
12 Մարտի 2019
ԿԲ-ն անփոփոխ թողեց վերաֆինանսավորման տոկոսադրույքը՝ 5.75%
ԿԲ խորհուրդը որոշեց անփոփոխ թողնել վերաֆինանսավորման տոկոսադրույքը՝ 5.75%:
12:24
12 Մարտի 2019
Կարեն Կարապետյանն առաջադրվել է ռուսաստանյան նավթահոլդինգի տնօրենների խորհրդում
ՌԴ կառավարությունը հաստատել է «Զարուբեժնեֆտի» տնօրենների խորհրդի` յոթ թեկնածուներից բաղկացած ցուցակը։
20:58
07 Մարտի 2019
Չակրաբարտի. ՎԶԵԲ–ը ֆինանսապես կօժանդակի Հայաստանում իրականացվող բարեփոխումներին
Նիկոլ Փաշինյանն ընդունել է Վերակառուցման և զարգացման եվրոպական բանկի նախագահ Սումա Չակրաբարտիի գլխավորած պատվիրակությանը:
17:02
06 Մարտի 2019
Վարչապետը` գազի գնի մասին. հույս ունեմ, որ այս տարի մեզ կհաջողվի լուծել այս հարցը
Հայաստանի վարչապետ Նիկոլ Փաշինյանը ՏԱՍՍին տված հարցազրույցում հույս է հայտնել, որ այս տարվա ընթացքում կհաջողվի լուծել գազի սակագնի հարցը Հայաստանի համար:
18:41
03 Մարտի 2019
ՀՀ վարչապետը ծանոթացել է ԿԲ Դիլիջանի ուսումնահետազոտական կենտրոնի տնտեսական ուսումնասիրություններին (ՖՈՏՈ)
Նիկոլ Փաշինյանը ծանոթացել է ԿԲ Դիլիջանի ուսումնահետազոտական կենտրոնի տնտեսական ուսումնասիրություններին։