Երկուշաբթի` մայիսի 2–ի առավել ուշագրավ նորությունները
08:00
03 Մայիսի 2016
ԵՐԵՎԱՆ, 2 մայիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է երկուշաբթի` մայիսի 2–ի գլխավոր նորությունների իր տարբերակը։
Մահվան ելքով ավտովթար է տեղի ունեցել մայիսի 2–ի լույս գիշերը Գեղարքունիքի մարզում։ Երևան-Վարդենիս ավտոճանապարհի Ծովակ գյուղի վարչական տարածքում բախվել են «Mercedes» մակնիշի ու «Kia» մակնիշի ավտոմեքենաները: Վթարի հետևանքով 6 մարդ տեղում մահացել է։ Ողջ է մնացել միայն 2–ամյա աղջիկ, ով վերակենդանացման բաժնում է և բժիշկների ջանքերով դուրս է եկել շոկային վիճակից։
«Ժառանգություն» կուսակցության պատգամավոր Թևան Պողոսյանն առաջարկել է պարտադիր զինվորական ծառայություն ներդնել նաև հայ աղջիկներ համար: «Մեր աղջիկները պետք է բանակում առնվազն երեք ամսվա ծառայություն անցնեն», – ասել է նա։
Հայաստանի բնակիչները հնարավորություն կունենան մայիսին ականատես լինել վառ «աստղային անձրևի», որն առավել պարզ կդիտվի մայիսի 5–ին։
Համացանցում լուսանկարներ են հայտնվել, որոնցում Ադրբեջանի նախագահ Իլհամ Ալիևը պարգևատրում է արցախյան բանակում ծառայող եզդի զինվորին գլխատած և տեսախցիկների առջև նրա գլուխը ցուցադրած զինվորական հանցագործին։