Էկոնոմիկայի նախարարը դեմ է կարանտինի ռեժիմի երկարաձգմանը և պարզաբանել է պատճառները (ՎԻԴԵՈ)

ԵՐԵՎԱՆ, 8 հունվարի./Նովոստի–Արմենիա/. ՀՀ էկոնոմիկայի նախարար Վահան Քերոբյանը հայտարարել է, որ դեմ է երկրում կորոնավիրուսի համաճարակի կապակցությամբ կարանտինի երկարաձգմանը։

Կարանտինային ռեժիմի հնարավոր երկարաձգման մասին, որի ժամկետը լրանում է 2021թ.–ի հունվարի 11–ին, օրերս հայտարարել է ՀՀ ԱՆ մամուլի քարտուղար Ալինա Նիկողոսյանը։

«Իրականում Առողջապահության նախարարության մամուլի քարտուղարը մի փորք շտապել է։ Որոշումը դեռ ընդունված չէ։ Այդ առաջարկությունը (կարանտինը երկարաձգելու մասին) դեռ չի քննարկվել Էկոնոմիկայի նախարարության հետ, մենք այն կքննարկենք և միայն շատ ծանրակշիռ փաստարկների առկայության դեպքում կարող ենք համաձայնվել այդ որոշման որոշ կետերի հետ», – ասել է Քերոբյանը նախօրեին Հանրային հեռուստաընկերության եթերում։

Նա ընդգծել է, որ տնտեսությանը հիմա միանշանակ «շատ անհրաժեշտ է թթվածին», և հարկավոր է անել հնարավոր ամեն ինչ` մաքսիմալ բաց աշխատանքի համար։–0–