Ձերբակալվել է «Քոնչո» մականվամբ օրենքով գող Նորայր Փիլոյանը (ՎԻԴԵՈ)
12:35
22 Հուլիսի 2018
ԵՐԵՎԱՆ, 22 հուլիսի./Նովոստի–Արմենիա/. Ոսիկանները բերման են ենթարկել օրենքով գող Նորայր Փիլոյանին, նրա մոտ ափիոնի նմանվող զանգված է հայտնաբերվել։
ՀՀ ոստիկանության մամուլի ծառայության հաղորդմամբ, հուլիսի լույս 20-ի գիշերը ժամը 2-ն անց 30-ի սահմաններում ոստիկանության քրեական հետախուզության գլխավոր վարչության ծառայողները, իրացնելով օպերատիվ տվյալները, Երևանի Արշակունյաց պողոտայում հայտնաբերել ու բաժին բերման են ենթարկել, այսպես կոչված՝ «Քոնչո» մականվամբ Նորայր Փիլոյանին։ Կասկածանքը՝ թմրանյութ պահել և օգտագործել։
«Արագածոտնի մարզի Կարբի գյուղի բնակիչ 39-ամյա Փիլոյանի խուզարկությամբ հայտբերվեցին և առգրավվեցին ափիոնի նմանվող զանգված ու գաղտնի փականով դանակ», – նշվում է գերատեսչության հաղորդագրության մեջ։
Ոստիկանության Կենտրոնական բաժնում հարուցվել է քրեական գործ։ Նորայր Փիլոյանը ձերբակալվել է։ Հանգամանքները քննությամբ պարզվում են։–0–