Սպորտային մարմնամարզության նոր տարրը կոչվել է հայ սպորտսմենի անունով

ԵՐԵՎԱՆ, 10 մարտի. /Նովոստի–Արմենիա/. Սպորտային մարմնամարզության նոր տարրը կոչվել է հայ սպորտսմեն Վահագն  Դավթյանի անունով, հաղորդում են Հայաստանի ազգային օլիմպիական կոմիտեից։

Համապատասխան որոշում է կայացրել Մարմնամարզության միջազգային ֆեդերացիայի համապատասխան հանձնախումբը  ու  տարրերի  դասակարգման ցանկում  ընդգրկել է  հայաստանցի  հինգերորդ վարպետի անունով  նորությունը :

Մեր երկրի թիմի կազմում  Վահագն  Դավթյանն անցյալ տարի   Քաթարում  մասնակցել է  աշխարհի գավաթի խաղարկությանը , օղակների  վրա վարժությունում գրավելով երկրորդ տեղը:  

«Բայց    նվաճումը ոսկու արժեքից էլ բարձր է  մարզիկի համար : Բանն այն է , որ  օղակների վրա  երևանցին  աշխարհում առաջինը կատարեց  կախ վիճակից, ուղիղ մարմնով, ուժով  առաջ շրջումով    խաչ  տարրը :  Նման  վարժության  առաջին անգամ ականատես եղան , հիացան մասնագետները  և իհարկե մարզասերները : Սա հայկական մարմնամարզության նոր հաջողությունն է , որի համար շնորհավորում ենք  Ալբերտ Ազարյանի անվան   դպրոցի  սան  Վահագն Դավթյանին   ,  վաստակավոր մարզիչ  Հակոբ   Սերոբյանին   և մարզաձևի  բոլոր  ներկայացուցիչներին»,–ասված է հաղորդգրությունում :

Մինչ այս,  տարրերի դասակարգման ցանկում  գրանցում են ստացել հաջորդաբար Հրանտ Շահինյանի  / նժույգթափ /, Ալբերտ Ազարյանի  / օղակների վրա, երկու տարր/   և մեկական անգամ Արթուր Հակոբյանի / հենացատկ / , Վահագն Ստեփանյանի  / նժույգթափ /  անունները  :

«Հաճելի , որ  աղյուսակում ավելացավ  նոր հայաստանցու   `   Վահագն  Դավթյանի անունը«–ասված է հաղորդագրութունում: -0-