ՖԻՖԱ-ի նախագահը հայտարարել է, որ ՌԴ-ում նախատեսված Ֆուտբոլի առաջնությունն անհնար է բոյկոտել

ԵՐԵՎԱՆ, 28 հոկտեմբերի. /Նովոստի-Արմենիա/. ՖԻՖԱ-ի նախագահ Յոզեֆ Բլատերը հայտարարել է, որ անհնար է բոյկոտել 2018թ.-ի Ֆուտբոլի աշխարհի առաջնությունը, որը կանցկացվի Ռուսաստանում:

«Ֆուտբոլն ընդհանրապես անհնար է բոյկոտել», - հայտարարել է նա Առաջնության կազմկոմիտեի դիտորդական խորհրդի նիստի ժամանակ: «ՖԻՖԱ-ն պնդում է, որ այդ առաջնությունն անցկացվի Ռուսաստանում»:

Նա նշել է, որ առաջնության անցկացման մրցույթում Ռուսաստանը մեծ մրցակցություն ուներ: Եվ պարտված երկրներից մեկը մինչև հիմա նեղսրտում է: «Պետք է կարողանալ պարտվել», - հայտարարել է ՖԻՖԱ-ի նախագահը: Նա Ֆուտբոլի աշխարհի առաջնությունը որակել է «աշխարհի ամենամեծ շոու», հաղորդում է ՌԻԱ Նովոստին:

Բլատերը խոսել է նաև առաջնության խորհրդանշանի մասին, որը դեռ հրապարակային չի կարողացել ցուցադրել: Նրա խոսքով՝ այն կներկայացվի մի փոքր ուշ: Սակայն Բլատերը նշել է, որ խորհրդանշանը «որոշ չափով արտացոլում է ռուսական ոգին»:-0-