Երկրորդ միջազգային «Թենիսային տապան – 2014» մրցաշարը կանցկացվի Հայաստանում և ԼՂՀ-ում

ԵՐԵՎԱՆ, 24 հոկտեմբերի. /Նովոստի–Արմենիա/. ԱՊՀ երկրների ինստիտուտը, «Մեծ գլխարկ» թենիսի ակումբը և Տիեզերագնացների` Յու.Ա.Գագարինի անվան թենիսի ակումբը` ԼՂՀ նախագահի աջակցությամբ, հոկտեմբերի 23-28-ը Երևանում և Ստեփանակերտում կանցկացնեն Երկրորդ միջազգային «Թենիսային տապան – 2014» մրցաշարը։

Մրցումներն անցկացվելու են սիրող - ոչ պրոֆեսիոնալների զույգերի միջև` «ՄոնԱրխ» ԲԲԸ հովանավորչական աջակցությամբ։

««Թենիսային պատանի» պատմությունը սկսվել է 2012 թվականին, երբ առաջին անգամ թենիսի սիրահարները «Մեծ աբխազական գլխարկ» ավանդական, «Մեծ գլխարկ» և «Բայկոնուրի ռակետ»  մրցաշարերի մասնակիցները «փորձարկեցին» Հայաստանի կորտերը»,- հաղորդում է ԱՊՀ ինստիտուտի մամուլի ծառայությունը։

Այս տարի «Թենիսային տապանը» կանցկացվի Ստեփանակերտի կորտերում։ Մրցաշարին կմասնակցեն քաղաքական, հասարակական, մշակույթի գործիչներ, լրագրողներ, ԽՍՀՄ և ՌԴ օդաչու-տիեզերագնացներ, գործարարներ Ռուսաստանից,  Հայաստանից և Լեռնային Ղարաբաղից, մասնավորապես, ԱՊՀ երկրների ինստիտուտի տնօրեն, ՌԴ Պետդումայի I, IV և V գումարման պատգամավոր Կոնստանտին Զատուլինը, օդաչու-տիեզերագնաց, ԽՍՀՄ կրկնակի հերոս Ալեքսանդր Իվանչենկովը, օդաչու-տիեզերագնաց, ԽՍՀՄ հերոս Ալեքսանդր Լավեյկինը, ՌԴ օդաչու-տիեզերագնաց, ՌԴ հերոս, Աստղային ավանի աշխատակազմի ղեկավար Վալերի Տոկարևը, ՌԴ օդաչու-տիեզերագնաց, ՌԴ հերոս Սերգեյ Տրեշչևը և այլոք։--0--