Հայաստանում Բրազիլիայի դեսպանը հորդորում է հավաքականի անհաջող ելույթի ամբողջ մեղքը չգցել Սկոլարիի վրա

ԵՐԵՎԱՆ, 15 հուլիսի. /Նովոստի–Արմենիա/. Հայաստանում Բրազիլիայի դեսպան Մարինյո Դուարտե Մոնտեյրոն կոչ է արել բրազիլական հավաքականի` 2014 թվականի աշխարհի առաջանության անհաջող խաղի ամբողջ մեղքը չբարդել գլխավոր մարզիչ Ֆելիպե Սկոլարիի վրա։

Բրազիլիայի հավաքականը համաշխարհային առաջնության կիսաեզրափակիչ խաղում զիջել է գերմանացիներին 1։7 հաշվով։

Դեսպանի խոսքով` կարելի էր հավաքականի կազմում ընդգրկել ավելի փորձառու խաղացողների, բայց ոչ ոք չգիտի, թե ինչպես այդ թիմում կխաղային Ռոնալդինիոն և Կական։

«Մարզիչը երևի կարծել է, որ նրանք անցյալի խաղացողներ են, իսկ ինքը կառուցում է ապագայի թիմ»,– ասել է դիվանագետը։

Նա հիշեցրել է նաև, որ Սկոլարիի գլխավորությամբ մեկ տարի առաջ Բրազիլիան հաղթել է համադաշնության գավաթում։

Խոսելով պարտության մասին` Մոնտեյրոն նշել է, որ ինքը, ինչպես  մյուս երկրպագուները, դրա բացատրությունը չունի։

Նրա կարծիքով, դա կարող էր միայն կապված լինել հոգեբանական գերլարվածության և սեփական դաշտում խաղացողների նկատմամբ ճնշման հետ։

Դիվանագետը միաժամանակ կոչ է արել հավաքականի բոլոր երկրպագուներին սատարել նրան դժվար պահին` հիշեցնելով, որ Բրազիլիան աշխարհի միակ հնգակի չեմպիոնն է։ -0-