Պորտուգալիայի հավաքականի պաշտպան Կոենտրաուն վնասվածքի պատճառով ԱԱ-2014–ում այլև չի խաղա

ԵՐԵՎԱՆ, 18 հունիսի. /Նովոստի–Արմենիա/. Պորտուգալիայի հավաքականի պաշտպան Ֆաբիու Կոենտրաուն աջ ոտքի վնասվածքի պատճառով չի կարողանա խաղալ Բրազիլիայում անցկացվող ֆուտբոլի աշխարհի առաջնությունում, հաղորդում է ՌԻԱ Նովոստին` հղում անելով Պորտոիգալիայի ֆոտբոլի ֆեդերացիայի պաշտոնական կայքին։

Երեքշաբթի Գերմանիայի հավաքականի հետ ԱԱ-2014–ի խմբային փուլի խաղի երկրորդ խաղակեսին (0:4) վնասվածք ստացած խաղացողը ՄՌՏ է անցել, որը ցույց է տվել, որ նա ազդրի մկանի երկրորդ աստիճանի վնասվածք է ստացել։

Վնասվածքից ապաքինվելու համար ավելի շատ ժամանակ կպահանջվի, քան մնացել է մինչև առաջնության ավարտը, այդ պատճառով ֆուտբոլիստը մրցաշարին չի մասնակցի։ Կոենտրաուն արդեն գերմանացիների հետ խաղից հետո մտահոգվում էր, որ վնասվածքը լուրջ է, և այդ խաղն իր համար ԱԱ-2014–ում վերջինը կլինի։

Հետազոտություն են անցել նաև հարձակվող Ուգու Ալմեյդան և դարպասապահ Ռույ Պատրիսիուն։ Նրանց վնասվածքները լուրջ չեն, և նրանք պետք է վերականգնման ծրագիր սկսեն, որը թույլ կտա առավելագույնս արագ վերադառնալ շարք։
 
Հաջորդ խաղը պորտուգալացիները կանցկացնեն հունիսի 22–ին ԱՄՆ–ի հավաքականի հետ։ -0-